Меню
16+

Сетевое издание «Будни района»

10.07.2020 09:07 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЕГЭ-лер бериле…

Автор: Нюрсагьадат Изамутдинова

Дюньяны къуршап алып елеген яман, югъагъан коронавирус аврувну яйылывуну алдын алмакъ муратда, бары да ерлерде карантин билдирилип, 3 айны узагъында кёп адам къуршалагъан бир чара да оьтгерилмей турду. Охувчуларыбыз учун 2-3 ай узатылгъан карантин бек онгайсызлыкълар тувдурду. Демек, шо айланы ичинде олар дарсларын телефонлар булан этип турду. Айтагъаным, дарслар «онлайн» къайдада юрюлдю. Инг де аслусу, школаланы битдирип чыгъагъан охувчулар учун бу йыл гьар заман йимик «Ахырынчы зенг», «выпускной бал» шатлыкълар оьтгерилмеди. Выпускниклер бу йыл ­оьзлени муаллимлери, бирче охугъан къурдашлары булан байрамча савболлашып, тюрлю чаралар оьтгерип болмады. ЕГЭ-лер де олар учун бу йыл гечге теберилип оьтгерилди.

Шолай, бу йыл выпускниклер ЕГЭ-лени берме июль айны 3-нде башлады. Шо гюн олар орус адабият, география, информатика ва ИКТ предметлерден экзаменлер берди. ЕГЭ-лер июль айны 25-нде тамамланажакъ. Бу йыл ЕГЭ-лерде ортакъчылыкъ этмек учун Дагъыстанда 11 мингден де къолай бу йылны ва оьтген охув йылланы выпускниклери заявка берген. Бизин Къарабудагъгент районда бу йыл оьр охув ожакълагъа охумагъа тюшеген выпускниклер ЕГЭ-лени берме башлады. (ЕГЭ-лер бу йыл охума тюшмейгенлер учун борч тюгюл эди). Районну выпускниклери 3-нчю июльда география, орус адабият, информатика ва ИКТ-ден экзаменлер Каспийск шагьарда 482 номерли ППЭ-де берди.

6-нчы июльда – орус языв­дан экзамен 191 номерли ППЭ-де (Къарабудагъгент гимназияда) оьтгерилди.

10-нчу июльда – математика (профил), 13-нчю июльда – тарих, физика, 16-нчы июльда – обществознание, химия, 20-нчы июльда – тыш уьлкелени тиллери, биология предметлерден экзаменлер Къарабудагъгент гимназияда 191 номерли ППЭ-де (Гвардейская орам, №6) оьтгерилежек.

Июль айны 22-нде тыш уьлкелени тиллери (раздел «говорение»), июль айны 24-нде – тыш уьлкелени тиллеринден къайры бары предметлерден (резерв), 25-нчи июльда – бары да предметлерден (резерв) эк­за­менлер 611 номерли ППЭ-де («Махачкалинская гимназия №11», Абдулла Гьажиевни атындагъы орам, №10 А) юрюлежек.

Июль айны 6-нда Къарабудагъгент районну выпускниклерине 482 номерли ППЭ-де (Къарабудагъгент гимназия, Гвардейская орам №6) орус язывдан оьтгерилген экзаменге 182 выпускник къуршалды.

ЕГЭ оьтгерилежек пунктда алдын ерли коронавирус аврувну яйылма къоймас учун бары да чаралар гёрюлюп гьазирленген эди. Районну башчысы Магьмут Амиралиев экзамен башлангъынча гелип, выпускниклеге ЕГЭ-лени уьстюнлю кюйде бермекни ёрап, экзамен оьт­герилежек пунктну бары да аудиторияларына тергев этип, гьазирликни гёрюп гетди. Выпускниклер, антисептиклер себелеп, дозаторлар булан тергеп битген сонг экзамен башланма заман болгъанда, гимназияны ичине гирме башлады.

Оланы экзаменге гиривюне гьукумат экзамен комиссияны (ГЭК) вакили, Дагъыстан Пачалыкъ Халкъ хозяйство университетни правовой дисциплина кафедрасыны доценти Рена Пирова, район билим берив управлениени ёлбашчысыны орунбасары-координатор Алибек Къайирбеков ва башгъалары оьзлени тергевюн болдурду.

А.Къайирбеков экзамен оьтгерилеген пунктну толу кюйде гьазирлиги барны айтгъан сонг, выпускниклеге экзаменлени яхшы къыйматлагъа бермекни ёрады.

- Экзаменлени барышына гелген къонакълар:Пачалыкъ­ экзамен комиссияны 2 уьюрю, 3 жамият гёз къаратывчу ва Ро­собрнадзордан 1 адам тергев этежек…-деди А.Къай­ирбеков.

ГЭК-ни вакили оьзюню сёйлевюнде экзамен юрюлежек пунктну гьазирлигине рази экенлигин, кемчиликлер ёкълугъун айта туруп, тарыкълы талаплар толу кюйде кютюлгенни англатды ва выпускниклеге экзаменлерде уьстюнлюклер ёрады.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3