Меню
16+

Сетевое издание «Будни района»

10.07.2020 09:15 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЕГЭ-ге жаваплы янашма тарыкъ

Автор: Шихав Къайирбеков

Мердешленген кюйде, гьар жуманы талатгюнлеринде район администрацияда районну аппарат жыйыны оьтгериле.

Муна, июль айны 7-нде район администрацияны жыйынлар оьт­герилеген уллу залында гезикли чара оьтдю.

Чарада районну башчысы М.Ами­ралиев, ону 1-нчи орунбасарлары, администрацияны бёлюклерини ёлбашчылары, юртланы башчылары, райцентрда иш гёреген къурумланы, идараланы, районну ерли маълумат къуралларыны вакиллери де ­ортакъчылыгъын болдурдулар.

Чараны гиришив сёз булан районну башчысы М.Амиралиев ачды ва юрютдю. Ол залдагъылар булан сорашып, саламлашып битген сонг, залдагъылагъа бугюн арагъа салынып ойлашылагъан масъаланы темасын малим этди.

- Бугюн бизин алдыбызда токътагъан аслу масъалаланы бири – 11-нчи класланы ва 9-нчу класланы битдиреген выпускниклерибиз ЕГЭ-ни ва ОГЭ-ни уьстюнлю кюйде оьт­гермек,- деди М.Амиралиев

Бу масъалагъа байлавлу районну билим берив управлениесини ёлбашчысы Т.Хизриева доклад этди. Тажли Хизриева сёзюн булай башлады:

- 2019-2020-нчы охув йылны уьстюнлю кюйде тамамламакъ муратда районну билим берив управлениеси, школаланы педагогика коллективлери 9,11-нчи класланы охувчулары ЕГЭ-ни ва ОГЭ-ни уьстюнлю кюйде берсин учун гьазирлик чаралар гёрюлдю.

2019-нчу йылны октябр айында бары да выпускниклер ОГЭ ва ЕГЭ-ни бермек учун предметлени тангладылар.

ЕГЭ-лер бермек учун бу йыл школаны битдиреген 258 ва оьзге йылларда къалгъан 26 выпускник арза берген.

ОГЭ-ге 1226 охувчу гьазирленген.

Районну билим берив тармагъыны ёлбашчысы Т.Хизриева районну школаларында ЕГЭ-ни, ОГЭ-ни оьр даражада оьтгермек учун гёрюлген къурумчулукъ ишлени де малим этди.

Демек, 11-нчи класланы выпускниклери декабр айда гьасил чыгъарыв сочинение язды. Сочинениени гьасиллери ЕГЭ-ге ёл ача.

2019-нчу йылны февраль айында 9-нчу класланы охувчулары авуз лакъырлашывдан оьтдюлер. Шо охувчулагъа ОГЭ-ге ёл ача.

ЕГЭ-ни, ОГЭ-ни къурумлу кюйде оьтгермек муратда ППЭ-ге 4 ёлбашчы гьазирленген. Олар билимлерин камиллешдирген ва РЦОН-ни янындан аттестациядан оьтген.

Районну билим берив управлениеси ЕГЭ-ни алма 56, ОГЭ-ни алма 190 касбучу (организатор) гьазирлеген.

Т.Хизриева оьзюню сёйлевюн давам эте туруп, уьлкеде эпидемиология гьал къыставуллу саялы РФ-ни билим берив министерлигини приказы булан школаларда “промежуточный” къайдада охувчуланы аттестация этив оьтдю. Аттестациядан чыкъгъан 9,11-нчи класланы выпускниклери аттестат алажакълар.

Бу йыл районда ЕГЭ-лени янгыз оьр охув ожакълагъа тюшме къасты бар выпускниклер бережек. 2020-нчы йылда 180 выпускник ЕГЭ берме иштагьлы.

Экзаменлер Къарабудагъгент гимназияда оьтгерилежек.

ППЭ-де 17 аслу ва 3 резерв кабинетлер гьазирленген. Бары да кабинетлерде ПАК-лар ясандырылгъан. Олар видео къаравну юрютме, тарыкълы печат экзамен материалланы гьазирлеме болушлукъ эте. Кабинетлерде электрик ярыкъ булан къыставуллу гьал тувулунуп къалса, къошма генератор, тарыкълы оьзге къураллар булан да толу таъмин. Интернет бар.

Коронавирус инфекция аврувну къорувда санитар талаплар къатты юрюле. Шо муратда ППЭ-ни къуллукъчулары учун 1000 маска, къолгъап болдурулгъан. Гьар кабинетде, штабда, догъаларда санитайзерлер ясандырылгъан, сув ичмек учун бир керен къолланагъан савут-саба, выпускниклер учун 720 шиша сув топлангъан, ППЭ-ни къуллукъчулары, ЕГЭ-ни ортакъчылары ва оланы ата-аналары булан англатыв ишлер оьтгерилген.

Гьар экзаменни алдында ППЭ-ни кабинетлери дезинфекция этиле.

Июн айны 26-нда Роспотребнадзорну вакиллери пунктну гьазирлигин тергеп чыкъды.

ППЭ-ни бары да къуллукъчулары тестден оьтген.

Адамлар бир ерге кёп жыйылып къалмасын учун, ЕГЭ-ни ортакъчыларыны ППЭ-ге геливюню ва олардан чыгъывуну графиги токъташдырылгъан.

Т.Хизриева оьзюню сёйлевюн тамамлай туруп, районда ЕГЭ-лер башлангъанын, олар тетиксиз юрюлегенин англатды.

Чараны жамын чыгъарып сёйлей туруп, районну башчысы М.Амиралиев районну билим берив управлениесин, оьзге ёлдашланы ЕГЭ-ге жаваплы янашма, къаравулланмагъан гьал болуп къалса, тезликде ону алдын алма буварыв этди.

Чараны ахырында районну башчысы М. Амиралиев районда халкъны социал якълав управлениесини пособия бёлюгюню ёлбашчысы А.Гебековгъа «Гьюрметлев грамота» тапшурду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1