Меню
16+

Сетевое издание «Будни района»

05.06.2020 08:51 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ёллагъа асфальт салына

Автор: Абдуллабек Самадов

Дагъыстан республиканы транспортгъа ва ёл хозяйствогъа къарайгъан министерлигинден таба амалгъа гелеген «Мени Дагъыстаным-мени ёлларым» деген милли программаны яшавгъа чыгъара туруп, райондагъы ёллагъа къарайгъан къурумну ёлбашчысы Вагьапгьажи Алиев ишчи-къуллукъчуларын къышы, язы булан даим иш уьстюнде гёрмеге боласан. Айтагъаным, олагъа бош турма заман да болмай. Неге десек, къышда къар, яз, яй айларда гючлю янгурлар ташып, ёлланы буза. Шо буса ёлчулагъа къайтара ишлер тувдура. Шолай алгъасавлу ишлерден ансат болгъан сонг, къурумну ёлбашчылары, ишчилери оьзлени планлы ишлерине гиришелер.

Муна, алдагъы гюнлерде биз эсгерген къурумну ишчи коллективи районну Къакъашура юртуна барагъан ёлуна асфальт сала туруп ёлукъдулар. 20 адамдан да къолай ишчилер, шоланы арасында шофёрлар, грейдер гьайдавчулар, башында идараны баш инженерии Болат Муташев де булан бирликде ишни жанын чыгъарып дегенлей, ишлеп туралар. Эсгерилген бригаданы ёлбашчысы, баш инженер Болат Муташев айтагъан кюйде шу ёлну 5 чакъырымын тындырыкълы кюйде онгарма гёз алгъа тутулгъан. Биз бугюнлерде ёлгъа асфальтни биринчи тюзлев къатлавун яйып юрюйбюз, сонг дагъы да бирдагъы къатны яйып ёлну мекенлешдирежекбиз,- дей Болат Муташев. Ол берген маълуматлагъа гёре, биз баргъан гюнге ерли ёл къуллукъчулар 3 чакъырым ёлну тегишлев ишлерин тамамлагъан, къалгъан ёлда да тегишлев ишлер токътавсуз юрюле. Эсгерилген ишлерде 6 камаз, 1 грейдер, 1 таптайгъан (каток) къуршалгъан. Техника бир токътавсуз ишлей. Асфальт ташывда шофёрлар Муратбек Алиев, Абакар Паталиев, Гьайбулла Агъаев, асфальтны яйывчулардан Магьамматсалам Тавлуев, Магьамматрасул Гьасанов, Нюрмагьаммат Къаранаев, Завур Минатуллаев, мастер Махсум Айгумов яхшы чалышып ишлейлер. Оьрде эсгерилген бригаданы уьюрлери шо 5 чакъырым ёлну бютюнлей кюйде июль айны ахырына тамамлама гёз алгъа тутгъанлар. Аллагь къуват берсин!

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3