Меню
16+

Сетевое издание «Будни района»

05.06.2020 08:54 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Кёмек къолун узатгъанлар

Бу айны башындан тутуп Къарабудагъгент район азарханада Москвадан гелген врачланы бригадасы коронавирус инфекция аврувдан авруйгъанлар булан консультация ишлер оьтгережек.

Бригаданы сыдраларында оьр квалификациялы врачлар-пульмонологлар ва инфекционистлер бар. Врачлар эпидемиология гьалгъа гёре аврувланы сав этивде бажарывлулугъун, топлангъан бай сынавун къоллажакълар.

Районгъа гелген федерал центрланы врачларындан къурулгъан бригадаланы сыдраларына оьр квалификациялы врачлар гире:

1.Владимир Витальевич Тестов – (Федерал пачалыкъ бюджет къурумну) Россия Федерацияны савлукъ-сакълав министерлигини фтизиопульмонология ва инфекция аврувлагъа къарайгъан милли медицина ахтарыв центрыны директоруну орунбасары, медицина илмуланы кандидаты.

2.Антон Владимирович Хлопков – врач-инфекционист, оьр категориялы врач.

3.Елена Юрьевна Халикова – врач-анестезиолог-реаниматолог, Сеченевни атындагъы биринчи медуниверситетни кафедрасыны доценти, медицина илмуланы кандидаты.

Олар Къарабудагъгент район больницадагъы коронавирус инфекция аврувдан авруйгъанланы сав этме, консультация кёмегин болдурма гьаракат этежеклер.

Больницада аврувлагъа бакъма башлангъынча, районну башчысы М. Амиралиев, район больницаны баш врачы Р.Гьиравов, ТУ Роспотребнадзорну Каспийск шагьаргъа ва бизин районгъа къарайгъан бёлюгюню ёлбашчысы О.Абачараев ёлдашлар врачлар булан ёлугъуп, районда коронавирус инфекция аврувну алдын, яйылывун токътатмакъ учун гёрюлеген чараланы малим этгенлер. Сонг касбучулар больницаны баш врачы Р.Гьиравовну узатыву булан больницаны рентген кабинетинде аврувлагъа къарагъанлар.

Алда Россия федерацияны Президенти уьлкеде коронавирус инфекция аврувну алдын алывда Москва шагьарны мэри Сергей Собянинге регионларда авур эпидемиология гьал бар ерлени якълай туруп, врачланы бригадаларын йиберме, оланы тарыкълы дарманлар булан таъмин этме таклиф этген.

В.Путинни сёйлевюнде аян болгъаны йимик, эпидемиология гьалгъа къарагъанда, Дагъыстангъа шолай кёмек тарыгъын эсгерген.

Коронавирус инфекция аврувну алдын алывда Москва региондан ерлеге врачланы бригадаларын йиберме тарыкъ деген къараргъа Москва шагьарны савлукъ-сакълав системасыны имканлыкъларын, топлангъан сынавну гьисапгъа алып бакъдыргъан.

Москвадан Дагъыстангъа врачланы бригадаларындан къайры коронавирус инфекция аврув булан ябушув юрютювде къолланагъан хас къорув алатлар ва дарманлар йиберилген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2