Конкурсну алдынлылары
Алдагъы гюн, июн айны 3-нде, «Къарабудагъгент район» муниципал къурулувуну башчысы Магьмут Амиралиев «Мой Дагестан – Мой Карабудахкентский район» деген конкурсну алдынлылары булан ёлукъгъан. «Къарабудагъгент район» муниципал къурулувуну депутатларыны Жыйыныны 2019-нчу йылны декабр айыны 27-нде чыкъгъан 201 номерли Федерал ва республика законуна кюрчюленип ва «Къарабудагъгент район» муниципал районну башчысыны къарары булан 2020-нчы йылны февраль айны 5-ндеги 76-ВН-69-20 номер булан конкурс билдирилген.
«Мой Дагестан – Мой Карабудахкентский район» деген конкурсда ортакъчылыкъ этген 8 адамдан 5 адам алдынлыкъгъа ес болгъан. Олар: Абубакар Къаранаев, Осман Ражапов, Нюрмагьаммат Ибрагьимов, Умалат Салимов ва Гьамзат Сайитов.
Ёлугъувну барышында конкурсну алдынлылары районда оьтгерилеген ишлер, олай да «Мой Дагестан – моя вода», «Мой Дагестан – мои дороги», «Комфортная городская среда» деген проектлер булан иштагьлангъан.
Ёлугъувда районну башчысыны кёмекчиси Жамалутдин Жамалутдинов, маълумат технология бёлюкню начальниги Адилбий Къурбанов, къурум-проект управлениени начальнигини орунбасары Зубайдат Гьажиева ортакъчылыгъын болдургъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
