Меню
16+

Сетевое издание "Району яшаву"  «Будни района»

05.06.2020 09:05 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гезикли жыйын

Автор: Шихав Къайирбеков

Талатгюн, июн айны 2-нде, районну башчысы Магьмут Амиралиевни ишчи кабинетинде районну территориясында коронавирус инфекция аврувну яйылывуну алдын алывгъа байлавлу район администрацияны оператив штабыны гезикли жыйыны оьтгерилген.

Чарада район больницаны баш врачы Р.Гьиравов, Къарабудагъгент районну ич ишлер бёлюгюню начальниги Герей Гереев, районну баш санитар врачы О.Абачараев, ондан къайры да район администрацияны жаваплы къуллукъчулары ортакъчылыгъын болдургъанлар.

Районну башчысы М. Амиралиев оператив штабны чарасын узата туруп, бизин район Дербент шагьар булан янаша “самоизаляция” режимни артдырылгъан гьазирликни къатты тутуп, коронавирус инфекция аврувну алдын алывгъа байлавлу енгиллешдирив чараланы къабул эте. «Чараны енгиллешдирмек учун биз уьч аслу факторну тюз юрютме тарыкъбыз. Олар койка фонд бары, авруйгъанланы санавуну къадары ва тергевлер чыкъгъан ватандашланы санаву. Бизин район шо гьасиллени сакълай. Шогъар гёре биз, артдырылгъан гьазирликни шартларын енгиллешдерме тарыкъ деген пикирге гелдик.

Тест режимде янгыз Къарабудагъгент юртда 5 зона, ял алагъан парклар, эргишилер учун деллекханалар, опуракълар сатылагъан тюкенлеге ачма ихтияр бериле. Айрыча эсгерме сюемен, бары да ишлер Роспотребнадзор талап этеген чараланы къатты кюйде юрютме тюше»-деди М.Амиралиев.

Чараны барышында оьзюню пикрусу, таклифи булан район больницаны баш врачы Р.Гьиравов, районну ич ишлер бёлюгюню начальниги Герей Гереев, районну баш санитар врачы О.Абачараев ёлдашлар да туруп сёйледилер.

О.Абачараев оьзюню къысгъаракъ сёйлевюнде бары да къурумлар оьзлени ишин узатма бола янгыз ДР-ни башчысыны тапшурувуна гёре Роспотребнадзор управлениени талапларын къатты кюйде юрюте буса.

Оперштабны чарасыны гьасиллерин чыгъарып сёйлей туруп, дазулангъан чараланы енгиллешдирме этген абат районну далапчыларына оьзлени загьмат чалышывун башлама имканлыкъ берегенни районну башчысы М.Амиралиев бирдагъы керен эсгерди. Аслу шарт-Роспотребнадзорну талапларын дурус юрютмек деп мекенлешдирди районну башчысы М.Амиралиев.

Ондан къайры да къурумлар, загьмат чалышывун башламакъ учун санитар-эпидемиология тергевлерден оьтген деп актлар бермек учун ишчи группа къурулгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6