Меню
16+

Сетевое издание «Будни района»

26.06.2020 09:11 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Агьвалат эсде къалардай оьтдю

Автор: Шихав Къайирбеков

Уллу Уьстюнлюкню Гюнюне, Уллу Ватан давну ортакъчыларыны гьюрметине 9 майда оьтгерилеген Дав парадны коронавирус инфекция аврувну яйылыву себеп болуп, ону къоркъунчлугъу гьисапгъа алынып оьтгерив артгъа, июн айны 24-юне теберилген эди.

Муна, июн айны 24-юне етишдик. Шо гюн Уллу Уьстюнлюкню 75 йыллыгъына байлавлу болуп уьлкебизни тах шагьары Москваны Къызыл Майданында давну ортакъчыларыны, Пачалыкъ Думаны депутатларыны, Совет Федерацияны сенаторларыны, чакъырылып гелген дос пачалыкъланы делегацияларыны, Оьр чинли офицерлени ортакъчылыкъ этивю булан Дав Парад оьтдю.

Парадда Россия Федерацияны Президенти Владимир Путин давну ветеранларын, парадны ортакъчыларын, чакъырылып гелген къонакъланы Уллу Уьстюнлюкню 75 йыллыкъ юбилейи булан къутлады. Бизин воинлерибиз янгыз азиз Ватанын душмандан азат этип къоймагъан, Европаны кёбюсю пачалыкъларыны халкъларына эркинлик гелтирген, 20-нчы асруну чумасындан азат этген.

Озокъда, В.Путин эсгерген кюйде, бизин солдатларыбыз, бары да Совет халкъ­ давну йылларында кёп къыйынлыкълар гёрген.

-Тенгсиз ябушувларда Совет солдат игитликлер гёрсетип ябушгъан. Шо йылларда адамланы арасында патриот ругь Ватанына бакъгъан сююв аянгъа чыкъды. Бизин бугюнгю эркин, шат яшавубуз саялы давну ортакъчылары кёп къыйынлыкълар гёргенин, ач, сувукъ болгъанын биз яхшы билебиз. Бизин давну ветеранларыны игит ябушувларын, ярыкъ яшав, элини эркинлиги саялы жанларын къурбан этген, дав майданлардан къайт­магъан воинлерибизни ярыкъ келпетлери, атлары бир заманда да эсден таймажакъ – дей В.Путин.

2020-нчы йылда Уллу Уьстюнлюкню 75 йыллыгъына багъышланып оьтгерилген Дав Парад Москвадан къайры уьлкебизни 28 уллу шагьарларында, шону ичинде бизин республиканы Каспийск шагьарында да оьтдю.

Каспийск шагьарда оьт­ген парадда башында районну башчысы М.Амиралиев де булан бизин районну делегацияы ортакъчылыкъ этди.

Парадда Россияны Савутлу гючлерини легендарный танк «Т-34» деп тутуп лап янгы, гьалиги талаплагъа жавап береген техника оьтдю. Гьавадагъы вертолетланы, дав самолетланы, авур бомбандировщиклени колонналары къаравчуланы гьайрангъа къалдырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3