Меню
16+

Сетевое издание «Будни района»

19.06.2020 09:10 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Жаваплы янашма тарыкъ

Хамисгюн, демек, июн айны 18-нде «Къарабудагъгент район» муниципал районну администрациясында районну башчысыны 1-нчи орунбасары Агьмат Гьажиевни ёлбашчылыкъ этивю булан жыйын оьтгерилди. Жыйында районну юртларындагъы сайлав комиссияланы ёлбашчылары, юртла ны башчылары, районадминистрацияны бёлюклерини ёлбашчылары, райцентрдагъы район больницаны баш врачы Р.Гьиравов ёлдашлар ортакъчылыкъ этди.

Чарада гьар тюрлю масъалалагъа къаралды. Лап аслусу – июль айны 1-нде уьлкебизни Конституциясына алмашынывлар этивге байлавлу тавуш беривге гьазирлик гёрюв.

Барыбызгъа да белгили кюйде, РФ-ни Конституциясына алмашынывлар этмек учун бютюнсоюз тавуш берив гюн апрель айны 22-не салынгъан эди. Тек коронавирус инфекция аврув ону яйылывуну къоркъунчлугъу кёп-кёп агьвалатланы артгъа теберме борчлу этди.

Шо чара июль айны 1-нде оьтгерилежек. Районда РФ-ни аслу законуна алмашынывлар этмек учун тавуш беривге гьазирлик гёрюв гьакъда районну территория сайлав комиссиясыны председатели Магьамматсайит Алпанаев гьисап берди. Ол оьзюню сёйлевюн узата туруп, булай деди:

- Районда 32 сайлав участка бар. Олагъа ёлбашчылар, уьюрлер белгиленген. Бу тавуш беривню башгъалыгъы коронавирус инфекция аврувну яйылывуну алдын алмакъ муратда Роспотребнадзорну таклифине гёре сайлав участкаланы алдында дизбарерлер болма тюше. Сайлав комиссияланы уьюрлери тарыкълы къорув алатлар булан таъмин этилежек.

ТИК-ни ёлбашчысы санитар-эпидемиология гьалны низамын сакъламакъ учун сайлав участкалагъа Кон­ституциягъа алмашынывлар этме, тавуш берме гелген ёлдашланы иссилиги тергележек, тарыкълы къорув алатлар, бир керен къолланагъан ручкалар булан таъмин этиле. Паспортун арекден ачып гёрсетме, списокгъа къол салма тарыкъ.

Айрыча, участка сайлав комиссиягъа бармай, уьйлеринде тавуш берме сюегенлер ТИК-ге арза язма тарыкъ. Арзагъа гёре сайлав участкаланы уьюрлери дезинфекция алатлар, къорув пакет булан сайлавчуну уьюне барып списокгъа къол салдыра.

Июн айны 25-30-у болгъунча, РФ-ни Конституциясына алмашынывлар этивге болжалдан алда, сайлавчу тавуш берме бола. Шо саялы участка сайлав комиссияланы уьюрлери июн айны 25-нден июль айны 1-ине ерли бары да эртен сагьат 8-ден ахшам сагьат 8 болгъунча иш ерлеринде болма та­рыкъ, — деди М.Алпанаев.

Чарада район больницаны баш врачы Р.Гьиравов оьзюню къысгъаракъ сёйлевюнде РФ-ни Конституциясына алмашынывлар этивге байлавлу тавуш береген гюнлерде коронавирус инфекция аврувну яйылывуну алдын алыв чараланы къатты кюйде юрютме чакъырды. Ондан къайры да Р.Гьиравов артгъа салмай сайлав комиссияланы уьюрлери коронавирус инфекциягъа тестден чыкъма герегин англатды. Тестден чыкъмагъан комиссияны уьюрю ишге къошулмажакъ, — деди Р.Гьиравов.

Районну башчысыны биринчи орунбасары Агьмат Гьажиев коронавирус инфекция аврувну яйылыву хыйлы шатлы чараланы артгъа теберме тюшгенин эсгерди. Шоланы арасында Уллу Уьстюнлюкню 75 йыллыгъы. Агьмат Гьажиев Уллу Уьстюнлюкню 75 йыллыгъына байлавлу шатлы чаралар оьтгерилмесе де, юртланы башчыларын ерлерде давну ортакъчыларыны, къурбанларыны эсделиклерин ёрукълу сакълама чакъырды.

Чарада А.Гьажиев айлана якъны, айрокъда орманлыкъларыбызны от тюшювлерден къоруп сакъламакъ учун от тюшювлени низамын къатты кюйде кютме, сабанлыкъланы айлана якъларын сылама, темир ёлланы, отлавлукъланы бойларын 4 метр генглиги булан сюрме юртланы башчыларына таклиф этди.

Бу яллавлу гюнлер авлакъларда, сабанлыкъланы ювугъунда чёп отланы якъма гери урулагъанын залдагъыланы эсине салды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2