Меню
16+

Сетевое издание «Будни района»

11.06.2020 17:02 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Россияны гюню

Июн айны 12-нде бизин уьлкебизде лап да сыйлы пачалыкъ байрамланы бири – Россияны Гюню белгилене. Шо гюн, демек, 12-нчи июнда, 1990-нчы йылда РСФСР-ни халкъ депутатларыны 1-нчи Съезди Россияны пачалыкъ харлысызлыгъыны (суверенитет) Декларациясын къабул этген. Олай да, 1991-нчи йылны июн айыны 12-синде РФ-ни Президентини къуллугъуна, РФ-ни тарихинде биринчилей болуп, ачыкъ тавуш берив булан сайлавлар оьтгерилген.

Шо сайлавларда ортакъчылыкъ этген россиялыланы 57 проценти Борис Ельцинни РФ-ни Президентини къуллугъуна сайлагъан.

1990-нчы йылда къабул этилген Декларациягъа гёре, РФ-ни Аслу Закону референдумда къабул этилген, пачалыкъ байракъ, гимн ва герб гючге гийирилген, РФ-ни ич ва тыш сиясат ва социал масъалалары белгиленген.

РФ-ни Президентини указына гёре, 1994-нчю йылда башлап шу байрамда ишлемейген гюн деп гьисаплангъан ва 1998-нчи йылда Россияны Гюню деп айтылма башлангъан.

Россияны артдагъы йыллардагъы тарихине гёз къаратсакъ, РФ-ни Президентини къуллугъуна ва РФ-ни Пачалыкъ Думасына кёп сайлавлар оьтгерилген.

Бу йыл бизин элибизни харсызлыгъына 29 йыл бола.

Шо – тарих оьлчевде ­оьтесиз аз болжал. Болса да, Ватаныбызны артдагъы йыллардагъы уьстюнлюклери ва оьрлюклери гёрмекли.

ХХ-нчы асруну ахырынчы йылларында бизин уллу уьлкебиз, СССР йимик, тозулмагъа бираз къалды.

Олай да, 90-нчы йылларда уллу-уллу олигархлар элибизни бары да бай­лыкъларына, мал-матагьына, табии маъданларына еслик эте эди.

Халкъара сагьнада РФ-ни абуру артагъанын бизин кёп сюеген уьлкебизде къаршы гийирилген санкциялардан да гьис этебиз. Сонг да, РФ-ни ёлбашчылары пачалыкъны байлыгъын ва мюлкюн къайтарып есликге алгъаны – оьзюню халкъыны гьайын этегенин гёрсете.

Халкъара даражадагъы­ бирлешивлерде де ООН, БРИКС, ОДКБ, ШОС, ФИФА ва оьзгелеринде – Россияны ойлары ва пикрулары якълана.

Евросоюзну ва США-ны ёлбашчылары Россия булангъы аралыкъларын сувукълашдырса да, Азияны, Къыбла Американы ва Африканы уьлкелери оьсдюре, ювукълашдыра ва беклешдире.

Коронавирус инфекция болгъунча Россияны Гюнюнде РФ-ни Президенти Кремлде белгили жамият-сиясат алышывчуланы,артистлени, спортчуланы, алимлени ва кёп оьзге тармакъланы къуллукъчуларын къонакълай чакъыра ва къабул эте, олагъа пачалыкъ савгъатлар тапшура.

Коронавирус инфекцияны яйылыву саялы бизин уьлкеде байрамгъа багъышлангъан шат чаралар оьтгерилмей.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2