Меню
16+

Сетевое издание «Будни района»

11.06.2020 17:00 Четверг
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Рейдбригадалар ишлей

Автор: Абдуллабек Самадов

Артдагъы вакътилерде бары да ерге бир йимик яйыл­гъан коронавирус аврув кёп халкъны ишден айырды, уьйлерде туруп шо аврувну вирусундан сакъланмакъ муратда тийишли чаралар гёрюп, гьар кимге оьзюн сакъламакъ учун буварывлар этилди. Шо аврув бизин районну халкъларына да кёп пашманлыкълар гелтирди.

Шо пашманлыкъланы алдын алып, халкъны савлугъун болдурмакъ учун районда хыйлы иш этилди ва бугюнлерде де этилип юрюй. Айтагъаным, районну башчысы Магь­мут Амиралиевни апрель айны 10-ндагъы, 27 номерли буйругъуна гёре, район администрацияда ерлердеги сатыв этеген точкаланы, идараланы, къурумланы ва шоларда ишлейгенлени гьар гюнлюк тергевню тюбюнде юрютмек учун район администрацияны янындан тергев группалар къурулгъан. Шо группаланы 3-юсю Къарабудагъгентде, 1-иси Манас-Манасгент юртларда, 1-иси де Агъачавулгъа бакъдырылгъан. Шо группаланы уьюрлери башына РОВД-ни участковый полициясы да тюшюп, ерлердеги сатыв этеген точкалагъа, иш юрютеген къурумлагъа, идаралагъа айланып, шоларда коронавирус инфекциягъа къаршы юрютме герекли ишлени низамыны юрюшюн тергейлер. Шо ишлер бютюнлей юрюлмей, низамны бузагъанларына шо ерде буварывлар этиле, протоколлар языла. Масала, рейд бригадаланы уьюрлери июнну 3-нден 8-ине ерли районну ичинде 369 точкагъа баргъанлар. Шолардан эсгерилген вакътиге 270 точка ишлемей, ябыкъ къаршылашгъан.

Манас-Манасгент юртларда тергелген 18 точканы 5-иси шо гюнлерде ябылып къаршылашгъан, 7-сине актлар язылгъан.

Райцентрда шолай тергевлер 62 точкагъа этилген. Шолардан 36-сы шо вакътилерде ябылып ишлемейли къаршылашгъан. Ишлейген точкалардан 10-нусуна тергевлер юрюлгени гьакъда актлар этилген. 3 протокол да язылгъан.

Шолай тергев ишлер бугюнлерде де узатыла. Шо тергевлени аслу мурады – халкъны савлугъун камиллешдирмек учун юрюлеген чараланы тюзевлю юрютмейгенлени алдын алмакъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3