Къакъашуралылар бичен чала

Айтагъаным, ол гюн биз Къакъашура юрт авлакъларында бичен чалып турагъан комбайнынланы, машинлени янында болдукъ. Шонда бизге ёлукъгъан юрт администрацияны жаваплы къуллукъчусу Гьажи Акавов, топуракъ есси Мугьутдин Нуцавов берген баянлыкълагъа гёре, бюгюнлерде юрт авлакъда бичен чалыв къызгъын кюйде юрюле. Шо ишге 5 чалагъан комбайын, 6 прес-подборшик де булан бирче кепген отну къысып тайлар этип юрюйлер. Юрт авлакъда бар 550-600 гектарлагъа ювукъ биченликлени бюгюнге ерли 100 гектарлары орулуп тайлагъа къысылгъан деп айтма ярай. Шо ишлени кютювде комбайнёрлар Бийгиши Абакаров, Хангиши Гьажиханов, Ата Атаев, преслени ишлетивчюлер Юсуп Атаев, Девлетгерей Акаев, Уллубий Гьалимов топуракъны ессилерини разилигин алып ишлейлер. Авлакъларда орулуп тайлагъа къысылгъан биченни де ессилери гьазирленген бичен тайланы ташып топламакъны гьайындалар.