Баракалла билдиребиз
Артдагъы йылланы ичинде Къарабудагъгент юртда милли программаланы яшавгъа чыгъара туруп, кёп тюрлю ремонт ишлер оьтгерилип тура.
Демек, бир нече йылланы ичинде бизин юртубузну кёбюсю орамлары онгарылгъан, ял алагъан парклар, яшлагъа ойнама, ял алма ерлер ачыла, асфальт этилип тура.
Кёп йылланы узагъында онгарылмагъан ва ремонт этилмеген орамлар янгыртылып геле.
Шолай, алдагъы гюнлер бизин Къарабудагъгент уьч номерли орта школаны къырыйындан хас уллу орамгъа чыгъагъан тыгъырыкъгъада асфальт этилинди.
Орамлагъа асфальт салывда ёллагъа къарайгъан къурумну ёлбашчысы В.Алиев ва ДЭП № 17 баш инженери Б.Муташев оьзлени кёп кёмегин болдурду.
Биз, Къарабудагъгент 3 номерли школаны къырыйында яшайгъанлар, бизин орамларыбызгъа асфальт салгъан саялы райондагъы ёллагъа къарайгъан къурумну ёлбашчысы Вагьапгьажи Алиевге, Болат Муташевге, юрт Советни депутаты Адил Салаватовгъа орамда яшайгъанланы атындан гьакъ юрекден баракалла билдиребиз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
