Меню
16+

Сетевое издание «Будни района»

07.05.2020 16:25 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Уьстюнлюк» орден

1943-нчю йылда Уллу Ватан давну барышында Къызыл Армия уьст болмагъа башлагъан сонг, СССР-ни ёлбашчылары лап оьр асгер орден тапшурмагъа токъташгъан. Орденни тылны Баш интендант управлениесини баш художниги А.Кузнецов таклиф этген уьлгюсюн Оьр Башкомандующий И.Сталин якълагъан ва къабул этген.

29-нчу октябрде А. Кузнецов И.Сталинге бир нече орденни уьлгюсюн таклиф этгенде, Башкомандующий «Уьстюнлюк» деген языву барын сайлагъан. Шоллукъда, 5-нчи ноябрде орденни гёрюнюшю мекенлешдирилген.

«Уьстюнлюк» орден беш мююшлю рубин ташлардан этилген, юлдуз, брильянтлар булан безендирилген. Орден белгиси платинадан. Ону безендиривде платина, алтын, гюмюш, багьалы эмаль, искусственный рубин ва 174 увакъ брильянт къоллангъан. Орденни умуми авурлугъу – 78 грам. Платина – 47 грам, алтын – 2 грам, гюмюш – 19 грам. 5 рубинни гьариси – 5 карат. Брильянтланы умуми авурлугъу – 16 карат.

«Уьстюнлюк» орден 1944-нчю йылда 10-нчу апрелде биринчилей 1-нчи Украин фронтну командующийи Советлер Союзуну Маршалы Г.Жуковгъа берил­ген. Экинчилей шо орден Генеральный штабны начальниги, Советлер Союзуну Маршалы А.Василевскийге тапшурула. Уьчюнчюлей «Уьстюнлюк» орден Оьр Башкомандующийге Советлер Союзуну Маршалы И.Сталинге берилген.

Оьрде эсгерилген Маршаллар би рдагъы керен орден булан савгъатлангъан.

«Уьстюнлюк» орден умуми гьисапда 17 адамгъа тапшурулгъан.Советлер Со­юзуну Маршаллары – И. Конев, К.Рокоссовский, Р.Ма­ли­новский, Ф.Толбухин, Л.Го­­­воров, С.Тимошенко, К.Ме­­рецков, армияны генераллары – А.Антонов, Д. Эй­зенхауэр, фельдмаршал – Б.Мон­тгомери, Румынияны пачасы – Михай I, Польшаны Маршалы – М.Роля – Жимерский, Югославияны Маршалы – И.Тито.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1