Видеоконференция оьтгерилди
Алдагъы гюн «Къарабудагъгент район» муниципал къурулувуну башчысы Магьмут Амиралиев район администрацияны жаваплы къуллукъчулары, юртланы башчылары, Къарабудагъгент райондагъы ОВД-ни начальниги Г.А.Гереев ва «Карабудахкентская ЦРБ»-ни баш врачы Р.Г.Гьиравов булан видеоконференция оьтгерген. Оьтгерилген генгешни аслу мурады Оразабайрам гюнлени ичинде Къарабудагъгент районну территориясында янгы коронавирус инфекция аврувланы алдын алмакъ учун алданокъ гёрюлген чараланы дазуларын гючлендирмек эди.
Генгешни барышында эсгерилген чараланы май айны ахыры болгъунча узатмакъны къарарын чыгъарды. Юртдан чыгъагъан ва гиреген ёллар бегитилежеги, янгыз юртну ичинде айланма болажагъы айтылды.
Медицинаны къуллукъчуларына юртдан чыкъмагъа ихтияр берилежек. Олай да, юртну ичиндеги ашамлыкъ тюкенлер 19 сагьат 00 минут болгъунча ишлежек. Къарабудагъгент райондагъы ОМВД-ни къуллукъчулары булан бирликде юртдагъы ДЮСШ-ни къуллукъчулары, билим берив управлениени, школаланы, район администрацияны къуллукъчулары постларда дежурналыкъ этежек.
Эсгерив, юртхозяйство ишлер токъталмагъан, олар штат режимде ишлеп тура, юртхозяйство продукталар ташыйгъан авур юк машинлер постлардан тергелип чыгъажакъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
