Меню
16+

Сетевое издание «Будни района»

29.05.2020 09:23 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Баракалла билдире

Артдагъы йыллар районну ичиндеги кёмек этеген фондлар ватандашлагъа аслам кёмегин болдура.

Шоланы ичинде «Байболат-Гьажини» атындагъы ва Къарабудагъгент юртда арт вакътилерде ишлеп турагъан «Берекет» деген фондлар кёмеклер болдурдулар.

«Байболат-Гьажини» атындагъы фонддан таба гьар йыл ораза айларда районну ватандашларына уллу садагъалар этиле: Бу йыл Оразабайрамны алдында гьар агьлюге бир къап ун ва бир къап шекер уьлешинди.

Шо кёмек этеген фондланы аслу мурады: районну юртларында яшавлукъ этеген агьлюлени арасында аврувлулары, кёп яшлылары, яшавлукъ этмек учун етишип болмайгъан чарасызларына ва оьзге тюрлю касипликге тарыгъанлагъа гьар гюнлюк кёмегин болдурмакъ.

Олай да, бизин юртда иш гёреген «Берекет» деген фондну къуллукъчулары сакъат яшлары булангъы агьлюлеге 2 минг манатны къадарына продукталар булан толумлашгъан садагъа пакетлер уьлешди.

Шо пакетлени ичинде картоп, къапуста, согъан, май, шекер ва оьзге ашамлыкъ продукталар бар эди.

Юртну ва районну ватандашларыны авур янын алып, рагьмулу кёмегин болдурагъан «Байболат-Гьажини» ва «Берекет» фондну къуллукъчуларына мени агьлюмню ва бары да хоншуларымны атындан баракалла билдирме сюемен. Гележекде де рагьмулулугъузну яйма Тенгири сизге гюч де, къуват да берсин!

Папу Ахавова, Къарабудагъгент юрт

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2