Меню
16+

Сетевое издание «Будни района»

29.05.2020 09:29 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ахырынчы зенг къагъылды

Автор: Калимат Элмурзаева

Муна май айны 25-нде бизин рай­онну билим берив ожакъларында охуйгъан охувчулагъа охув йыл тамамланды. Адатлангъан кюйде, бизин районну школаларында, республикабызны ва уьлкебизни оьзге школаларында да май айны 25-нде ахырынчы зенг къагъылма тарыкъ эди.

Тек савлай дюньяда коронавирус инфекция аврув яйылгъаны саялы, 2020-нчы йылны ахырынчы зенг байрамы онлайн режимде оьтгерилди.

Коронавирус инфекция аврув себепли болуп, Россияны бары да охув ожакъларындагъы выпусниклер оьз­лер 11 йыл охугъан школасы, кёп сюеген муаллимлери булан дистанция къайда да савболлашды.

Май айны 25-нде эртен сагьат 10 вакъти уьлкебизни бары да охув ожакъларында «Последний звонок-2020» деген бютюнроссия акция оьтгерилди. Оьтгерилген акция бу йыл школаланы охуп битдирген выпускниклени якъламакъ учун дистанция режимде оьтгерилди.

Эсгерилген акцияда бу йыл школаны битдирген выпускниклени школаланы директорлары, муаллимлери, клас ёлбашчылары, ата-аналары онлайн форматда къутлады.

,2020-нчы охув йылда Къарабудагъгент районда 11-нчи класны 259 ва 9-нчу класны 1225 охувчусу тамамлады.

Гьаманда йимик, оланы авадан кёп яны оьр ва орта хас охув ожакълагъа билим алмагъа тюшежеклер. Райондагъы бары да выпусниклени Ахырынчы зенг байрамы булан къутлай туруп, гележекде оьзлер танглагъан касбулагъа ес болуп халкъны арасында пайдалы адамлар болмакъны ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0