Меню
16+

Сетевое издание «Будни района»

21.05.2020 16:51 Четверг
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Язбашгъы ишлер нечик бара?

Бу соравну биз районну юрт хозяйство управлениесини ёлбашчысы Шагьабутдин Мустапаевге бердик. Эрте язбашгъы авлакъ ишлени барышы гьакъда айта туруп, ол булай деди:

-Айлана якъда коронавирус инфекция аврувгъа байлавлу болуп, гьал авур буса да, районну авлакъчылары «Гете бусанг да, чачып гет» деген халкъ айтывну маънасын яхшы англайлар. Шогъар гёре районда авлакъ ишлер низамлы, къурумлу юрюле деп айтма боламан.

Эрте язбашгъы ишлени гьакъында айтсам, 2020-нчы йылда районну юрт хозяйство продукталар болдурувчулары 5350 гектаргъа язлыкъ ашлыкълар чачма гёз алгъа тутгъан.

Май айда болуп турагъан яхшы дагьнилер де механизаторланы, топуракъда доланагъанланы ишге гёнгюн, ругьун гётере.

Май айны биринчи 10 гюнлюгюне районда 5034 гектаргъа язлыкълар чачылгъан. Шону ичинде механизаторлар, авлакъчылар 283 гектаргъа язлыкъ будай, 2916 гектаргъа язлыкъ арпа, 58 гектаргъа ныкъа чачгъан.

Артдагъы вакътилерде ерлерде ем оьсюмлюклер чачывгъа тергев артагъанын эсгерме тарыкъ. 815 гектаргъа ем оьсюмлюклер чачыл­гъан. Шону ичинде 307 гектары – силос учун гьабижай.

Яшырма негер тарыкъ, артдагъы йылларда тюкенлерде, базарларда ашамлыкъ продукталаны багьалары токътавсуз гётерилип тура. Айрокъда коронавирус инфекция аврувгъа байлавлу болуп, тыш пачалыкълар булан дазулар бегилгенде, уьлкеде коронавирус аврувну яйылывуну алдын алывгъа байлавлу чараланы натижасында тюкенлерде бары зат бир нече керенге артгъан. Гьали бары зат базарлардан, тюкенлерден сатып алынагъан девюрде ашамлыкъ продукталаны багьаларыны гётерилгени ватандашланы авадан яныны агьлю бюджетлерине терс янындан таъсир эте. Авур гьал шу заман ёрукълашажакъ деп бирев де ташдырып айтма болмай.

Гьалиден бир нече йыл алдын бизин пачалыкъгъа къаршы этилген санкциялар халкъ хозяйствону бир-бир тармакъларыны, айрокъда юрт хозяйствону оьсювюне болушлукъ этди. Балики, коронавирус инфекция аврув себеп болуп, районда оьзге оьсюмлюклени чачывгъа, къуллукъ этивге тергев берилер. Ёл-ёрукъда айтма сюегеним: районну бир-бир юртларында бурчакъ, картоп чачып агьлюлерин таъмин этме, оьзлерден артыгъын базаргъа чыгъарма болур.

Районну тавтюп зонасында ерлешген юртларда 23 гектаргъа бурчакъ, 62 гектаргъа картоп чачылгъан.

Ерлерде бугюнлерде ачыкъ топуракъгъа овошлар орнатыв масса къайдада юрюле. Гьалиге 317 гектаргъа овошлар, 253 гектаргъа бахча оьсюмлюклер чачылгъан.

Районну муниципал къурулувларында язлыкълар чачыв, язлыкълагъа къуллукъ этив къурумлу кюйде узатыла.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1