Маскалар тигиле
Коронавирус инфекция аврув бизин уьлкени бары да регионларында яйылгъан. Бизин пачалыкъны башчылары инфекцияны яйылывун токътатмакъ учун кёп тюрлю ишлер оьтгерип тура. Районну ичиндеги къурумланы коллективлери де коронавирус инфекцияны басылтмакъ муратда оьзлерден болагъан кёмегин эте. Бугюнлерде коронавирус инфекцияны яйылывун алдын алмакъ учун районну школаларындагъы муаллимлер де актив кюйде къошумун болдуралар.
Гьали маскалар аптеклерде къыт малланы сыдраларына гирген. Инфекция яйылгъан сонг, ону багьалары аптеклерде бир нече керен гётерилген .
Шолай, Къарабудагъгент юрт школаларыны загьматдан ва оьзге предметлерден дарс береген муаллимлери бугюнлерде ватандашлагъа гиймек учун маскалар тигип тура. Къарабудагъгент районну муаллимлери «Мы вместе» деген акцияда ортакъчылыкъ эте.
Школаланы муаллимлерини бир группасы ГАМ деген компанияны бинасында, бир группасы буса уьйлеринде маскалар тиге. Олар гюнде 2000-4000 ден къолай маскалар тигелер. Алдагъы гюн Къарабудагъгент районну башчысы Магьмут Амиралиев маскалар тигеген муаллимлени къырыйына барып, олагъа оьзлени разилигин билдирген.
Маскалар тигеген акциягъа Къарабудагъгент 3 номерли, 2 номерли, 5 номерли ва башгъа школалар къошулгъан. Тигилген маскалар район администрацияны кёмек этеген фондуна бериле.
Шолай маскалар тигив коронавирус инфекцияны яйылыву токътагъынча узатылажакъ. Оьтгерилеген акциягъа Къарабудагъгент районну башгъа юртларыны школалары да къошулма бола.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
