Меню
16+

Сетевое издание «Будни района»

21.05.2020 17:10 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гетген оьмюрню эсге сала

Гьар йыл май айны 18-нде уьлкебизни бары да халкъы Музейлени халкъара байрам гюнюн шатлыкъ булан къаршылай. Шо гюн ерлердеги музейлени эшиклери геливчюлер учун бютюнлей ачыла. Оларда шатлы мердешлер оьтгериле.

Музейлер адамланы яшавунда чинк де тарыкълы къурумланы бириси деп айтсакъ, бир де янгылыш болмасбыз деп эсиме геле. Неге тюгюл де, къайсы музейге гирсек де, тарихни исбатлайгъан, гетген оьмюрню гюзгюде йимик суратлап гёрсетеген экспонатланы гёрмеге болабыз. Шонда топланып сакъланагъан къуралланы гёргенде, гетген оьмюрлерде ата-бабаларыбыз нечик яшагъанны, нечик ашагъанны кинода йимик гёз алгъа гелтирмеге бажарыла. Шо эсделиклер – бизге, бизден сонггъу наслулагъа да арты уьзюлмейген бай­лыкъ. Шо саялы да, музейге жыйылгъан ва гележекде де жыйылып турагъан къуралланы (экспонатланы) бек аявлап, асырап сакъламагъа тюше. Буссагьатгъы вакътиде бизин районда 6 музей ишлей. Шоланы ичинде, Уллубийавул юртдагъы белгили инкъылапчы У.Буйнакскийни аты къоюлгъан музей чинк де гёрмеклиси деп айтмагъа ярай. Неге тюгюл де, эсгерилген шо музей экспонатлар булан толумлашгъан. Сонг да, Къарабудагъгентдеги «Старый двор», культура центрдагъы тарихи музей, Гьелидеги, Дёргелидеги, Губдендеги музейлеге де яшлар, уллулар да къошулуп, экскурсиялагъа кёп баралар. Шо буса, оьтген девюрню тарихин уьйренивде уллу къошум эте.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9