Меню
16+

Сетевое издание "Району яшаву"  «Будни района»

21.05.2020 17:00 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьал тергевню тюбюнде

Автор: Шихав Къайирбеков

Май айны 20-нда «Къарабудагъгент район» муниципал районну башчысы Магьмут Амиралиев Къарабудагъгент юрт муниципал къурулувну администрациясында ишчи ёлугъув оьтгерген.

Районну башчысы ёлугъувну Къарабудагъгент районда, шону ичинде Къарабудагъгент юртда коронавирус инфекция аврувну алдын алыв, ону яйылывун токътатывгъа байлавлу гёрюлеген чаралардан башлагъан. Магьмут Амиралиев райцентрны халкъын «самоизаляция» режимни сакълама, дезинфекция ишлени оьтгерме тапшурувлар берген. Районну башчысы М.Амиралиев ювукъ вакътини ичинде гьал ёрукълашажагъына инанагъанын англатгъан.

М.Амиралиев Къарабудагъгент юртда этген ишчи сапарында юртну «Заммай» деген микрорайонунда къурулма башлагъан яшлар бавунда къурулуш ишлени барышына тергев этген. Ондан къайры да шо микрорайонда 2019-нчу йыл ДР-ни мин-эконом оьсюв министерлигини сиптеси булан яшавгъа чыгъарылагъан «Местная инициатива» проектге гёре амалгъа гелген мини футбол майданча да болгъан.

Къарабудагъгент юрт муниципал къурулувну башчысыны заманлыкъгъа борчларын кютеген А. Гьажиев булан юртда бу йыл яшавгъа чыкъма герекли проектлер арагъа салынып ойлашылгъан. А.Гьажиев ДР-ни юрт хозяйство ва экономика министерликлерини программаларына къошулуп, райцентрда 7 проект гьазирленгенин ачыкълашдыргъан.

Сонг районну башчысы булан 2021-2022-нчи йыллагъа гёз алгъа тутулгъан проектлени айланасында сёз болгъан. «Корага-бав» микрорайонда 5 номерли орта школаны янгы бинасын, «Таха» микрорайонда янгы школа, шо районда яшлар тапдырагъан больницаны къурулушуну уьстюнде айрыча токътагъан. Бу проектлер «Юрт ерлени комплекс къайдада къурув» деген программагъа гёре яшавгъа чыгъарыла.

Районну башчысы М. Амиралиев бу проектлени яшавгъа чыгъыву ватандашланы яшав даражасыны тамурундан алышдырма болушлукъ этежегин эсгерген.

Ёлугъувда ортакъчылыкъ этген районну баш архитектору А.М.Гьажиев, «Бекенез-водоканалны» директору» М. Гьайдаров ёлдашлар да бу программаланы яшавгъа чыгъывуну агьамиятлыгъын айтгъанлар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4