Районда маскалар тигиле
Бугюнлерде янгы коронавирус инфекцияны яйылывун токътатмакъ муратда бизин районда ва республикада оьзюн адамлардан арек сакълав режим билдирилген.
Къарабудагъгент район администрация коронавирусдан авруйгъанланы санавун кемитмек учун кёп тюрлю ишлер оьтгере ва къатты чаралар гёрюп тура. Район администрация оьзюню янындан, етишмейген чарасыз ватандашланы медицина препаратлар булан таъмин этмек учун гьазирлик гёре.
Алдагъы гюн районну башчысы Магьмут Амиралиев загьмат дарсдан дарс береген муаллимлени бир группасы булан ватандашлагъа гиймек учун маскалар тикме гереги гьакъда ёлугъув оьтгерди.
Район администрация оьзюню янындан маскалар тикмек учун тигив машинлер, резинкалар, марлилер ва башгъа тюрлю затлар булан таъмин этген.
Демек, муаллимлер «ГАМ» ООО-ну бинасында ва оьзлени уьйлеринде маскалар тигежек ва оланы гьар тюрлю категориялы ватандашлагъа уьлешежек.
Гьар гюн дегенлей, бизин районда гюнде 1500-2000 марлиден маскалар тигилине. Районну башчысы Магьмут Амиралиев маскалар тигивде ортакъчылыкъ этеген муаллимлеге баракалла билдирди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.