Меню
16+

Сетевое издание «Будни района»

14.05.2020 16:39 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Давну ветераны

Автор: Абдуллабек Самадов

Давлар битгенли,

Гетди нечакъы,

Яшларда энни

Аталар чакъы-деп

Магьаммат Атабаев язгъан кюйде, районубузну юртларында давну ортакъчыларындан бирев де къалмагъан деп айтмагъа ярай. Неге тюгюл де, олардан къалгъан яшлар да кёплери оьзлени балаларыны балаларын тарбиялайлар. Оьжетли, къыргъын давларда Совет солдатлары уьст гелгенли, арадан 75 йыл оьтюп тура. Уьстюнлюкню эсден таймайгъан шо байрамын Россияны бары да ватандашлары эсде къалардай шатлыкъда къаршыламакъ учун гьазирлик гёре. Биз буса бугюнлерде арабызда ёкъ буса да, шо къагьрулу давларда къан тёкген, сан сёкген аталарыбызны, агъаларыбызны эсге алып, гележек наслулагъа оланы игитликлери гьакъда унутмайлы, эсгере турмагъа тарыкъбыз.

Муна бу макъаламда мен дав майданларда душмангъа къаршы ялын тапмайлы дав этген, давдан сонггъу йылларда загьмат фронтда къайратлы загьмат тёкген гьелили улан Сагьадулла Агъаевни эсге алып, ону гьакъында эшитгенлеримни язмагъа сюемен.

Мен оьзюню гьакъында айтмагъа сюеген Сагьадулла Агъаев 1917-нчи йылда Гьели юртда сабанчы агьлюде тувгъан. Шо йыллар октябр инкъылап янгы аякъгъа турмагъа башлагъан йыллар болгъан. Ону ата-анасы юртда биринчилерден болуп, 1930-нчу йылларда эсгерилген юртда къурулгъан колхозгъа гиргенлер. Сагьадулла буса школа чагъына етишгенде, башлап «Ажам», сонг «Латин» алфавит булан юрт школада охуй.

1935-нчи йылларда юртда комсомол ячейкалар къурулгъан вакътиде биринчилерден болуп Сагьадулла комсомолну сыдраларына гире ва жамият ишде оьзюн айрыча гёрсетме бажара. Сагьадулла Агъаевни бажарывлулугъун гьис этген юрт ёлбашчылар ону курслагъа охумагъа бакъдыралар. Шо курсланы тамамлап гелген сонг, С.Агъаев шо вакътиги колхозда учётчик болуп загьмат ёлун башлай. Сонггъа таба армия чагъы етишип, Сагьадулла Агъаев ватан борчун кютмек учун 1938-нчи йылда армиягъа чакъырыла. Яшдан берли низамлыкъгъа уьйренген Сагьадулла, ватанны алдындагъы борчун кютювде де ёлдашларына уьлгю гёрсетип къуллукъ эте. С.Агъаевни шо гьаракатын эслеген частны командирлери ону башлапгъы командирлер гьазирлейген курслагъа бакъдыралар. Оьр къыйматлар булан шо курсланы тамамлагъан Сагьадулла Агъаев «старший сержант» чынгъа ес болуп, бёлюкню командирини ишин кютмеге башлай. Шо вакъти ол районлу ёлдашлары, Гьелиден Шагьабутдин Магьамматов, Къакъамахиден Магьаммат Абдурагьимов ва олай оьзге ёлдашлары да булан Украинаны тахшагьары Киевде къуллукъ эте болгъанлар. Къуллукъ этив болжалыны заманы да битип, уьйге къайтар гюнню гёзлеп турагъан уланлагъа, фашист елевлер дав башлагъан деген аччы хабар ток ургъандай етише. Булар къуллукъ этеген 657-нчи артиллерия полкну солдатлары гечелетип аякъгъа туралар. Шо гечеден башлап Сагьадулла Агъаевни взводу душман булан-бете-бет ябушувларда ортакъчылыкъ эте.

Къыбла, Прибалтика, Ленинград фронтларында да гючлю ябушувларда ортакъчылыкъ этип юрюген Сагьадулла бир нече керенлер дав майданларында яралана, тек яралары бираз къолайгъа къайтгъаны булан ол дагъы да душмандан оьч алмагъа башлай. Дёрт йыл бою гечесин, гюнюн бир этип, душманны дагъы турмас йимик янчмакъ учун къанын, жанын аямайлы дав этген гьелили улан Сагьадулла Агъаевге 1945-нчи йыл уьстюнлюкню Парадында да ортакъчылыкъ этмеге насип болгъан. Шондан сонг ол сав-саламат кюйде ата юртуна къайтып, 1946-нчы йылдан башлап загьмат фронтгъа къуршала. Колхозда счетовод, къой ферманы ёлбашчысы, колхозну председатели, райсельхозотделни заведующийи, баш зоотехник, юрт исполкомуну председатели, олай да кёп тюрлю жаваплы къуллукъларда загьмат тёгюп юрюген. Сагьадулла Агъаевни дав йыллардагъы къоччакълыкълары, загьмат фронтдагъы чалышыву бир де бошуна гетмеген деп айтмагъа ярай. Неге тюгюл де, ону савунда тёшюн толтуруп айланагъа шавласын чачагъан 4 оьрдени, 14-ден де артыкъ медаллары бар эди. Бизге, бизден сонггъу оьсюп гелеген наслуларыбызгъа шолай къоччакъ уланларыбызны яшав ёллары гьакъда айта турмасакъ, гележек ­наслубуз бизден гечмес.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3