Меню
16+

Сетевое издание "Району яшаву"  «Будни района»

30.04.2020 15:33 Четверг
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къараргъа къол салгъан

Автор: Шихав Къайирбеков

Коронавирус инфекция аврувну алдын алмакъ, яйылывун токътатмакъ, ватандашланы санитар-эпидемиология гьалын ёрукълашдырмакъ муратда Владимир Путин апрель айны 28-нде «Россия Федерацияны территориясында коронавирус инфекцияны яйылывун гьисапгъа алып, ерлерде санитар- эпидемиология гьалны яхшылашдырывну чараларын узатмакъ» деген къараргъа къол салгъан.

Россия Федерацияны территориясында ватандашланы санитар-эпидемиология гьалын яхшылашдырмакъ муратда, коронавирус инфекцияны яйылывун гьисапгъа алып, Россия Федерацияны Конституциясыны 80-нчи статьясына асасланып, къарар этемен:

2020-нчы йылны май айыны 6-ндан 8-ин де къошуп ерли ишлейгенлени алапасын да сакълап, ишлемейген гюнлер деп токъташдырмакъ.

Россия Федерацияны субъектлеринде оьр пачалыкъ къуллукъдагъы ёлдашлар Къарарны положениесине гёре, май айны 1-нден тутуп 11-ине ерли халкъны санитар- эпидемиология гьалны яхшылашдыра туруп, РФ-ни Президентини апрель айны 2-нде къабул этген Къарарын тайышывсуз яшавгъа чыгъывун болдурмакъ.

Бу къарар шулай къурумлагъа (иш бергенлеге ва онда ишлейгенлеге) яйылмай:

а) ара бёлмей ишлейген къурумлар, токътавсуз технология процесслерде къолланагъан къураллары барлар

б) Медицина ва аптек къурумлар

в) Ватандашланы сурсат продукталар ва биринчи тарыкълы хамал булан таъмин этеген къурумлар.

г) Къыставуллу гьалны вакътисинде адамланы савлугъуна къоркъунчлукъ тувулунувну алдын алыв ишлени кютегенлер

д) ремонт, юклев-бошатыв ишлени, къуллукъланы кютеген къурумлар

е) финанс (расчет ва платеж) къуллукъланы кютеген къурум

ж) Россия Федерацияны субъектлерини ёлбашчыларыны къарары булан белгиленген оьзге предприятиелер.

Бу къарар Россия Федерацияны Гьукуматы булан гьакълашып “системаобразующий”, илму ва билим берив къурумлагъа да яйылма бола.

5.Федерал пачалыкъ органлар, пачалыкъ бюджетден тышгъари фондлагъа ёлбашчылыкъ этеген органлагъа май айны 1-нден тутуп 11-и болгъунча, шо къурумланы ишин кютювде болушлукъ этген федерал пачалыкъ къуллукъчуланы санавун токъташдырмакъ.

6.Россия Федерацияны субъектлеринде иш гёреген пачалыкъ къурумлар, оьз ишин оьзлер юрютеген ерли органлар санитар эпидемиология гьалны гёз алгъа тутуп, май айны 1-нден 11-и болгъунча ишлейген пачалыкъ ерли органларда ишлейген адамланы санавун оьзлер токъташдырма бола.

7.Маълумат масса продукция чыгъарагъан къурумлар май айны 1-нден 11-и болгъунча шо ишлени кютеген ёлдашланы санавун оьзлер токъташдыра.

Шу Къарар басмадан чыкъгъандокъ, гючге гире.

Россия Федерацияны Президенти В.Путин коронавирус инфекция аврувгъа байлавлу болуп, уьлкени регионларыны башчылары булангъы видеоконференциясында аврувну алдын алывда рагьатланма тез экенин англатды.

Конференцияда коронавирус инфекция аврувну алдын алывда гёрюлюп турагъан чаралар гьакъда уьлкени Президентине регионланы башчылары гьисап бердилер. Видеоконференцияда артдагъы гюнлер коронавирус инфекция аврувну яйылыву токътагъан, къувунлу гьал бар регионлар эсгерилди.

Гёрюлеген чарагъа да къарамайлы, бизин республикада да коронавирус инфекция аврувдан авруйгъанланы санаву артып юрюйгени эсгерилди. Къарагъанда, бир тайпа адамлар коронавирус инфекция аврувну адамны савлугъуна къоркъунчлугъун англама сюймейлер. Озокъда, сав гюнлер уьйден чыкъмай къамалып турма адамгъа къыйын. Тек савлукъ учун чыдама тарыкъ!

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4