Тюкенлеге ва аптеклеге баргъан
Апрель айны 2-нде районну башчысы Магьмут Амиралиев районну башчысыны орунбасары М.Зугьумов, олай да Къарабудагъгент райондагъы Россия ОМВД-сини начальниги Г.Гереев булан бирче Къарабудагъгент районну территориясындагъы сурсат тюкенлери ва аптеклени айланып чыкъгъан. Демек, шо сапарында М.Амиралиев тюкенлерде ва аптеклерде таман чакъы санавда мал ва препаратлар барын тергеген.
Олай да, М.Амиралиев районну халкъы бары да бир йимик карантин режимни тарыкълы кюйде кютмекни ва дезинфекция юрютмекни ташдыргъан.
М.Амиралиев рейдни барышында район администрацияны жаваплы къуллукъчуларына, юртланы башчыларына, ахтарыв къурумланы къуллукъчуларына ва эпидемиология къуллукъланы къуллукъчуларына 2020-нчы йылда март айны 18-ндеги ДР-ни Башчысыны Буйругъуна толу кюйде янашмакъны таклиф этген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
