Меню
16+

Сетевое издание «Будни района»

04.12.2020 08:49 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Уьйлерине барып къутлады

Автор: Нюрсагьадат Изамутдинова

Белгили кюйде, гьар йыл ноябр айны ахырынчы къатты­гюнюнде Россияда Ананы гюню шатлыкъны шартларында белгилене. Бу йыл Россияда Ананы гюню 29-нчу ноябрге рас гелди. Ананы гюнюне багъышланып ноябр айны 27-нде шолай шатлыкълар Къарабудагъгент районну бары да юрт­ларында, демек, маданият уьйлеринде, китапханаларда, школаларда ва яшлар бавларында оьтгерилди.

Байрамны алдында «Къарабудагъгент район» муниципал районну башчысы Магьмут Амиралиевни буйругъуна гёре районну къатынларыны Советини ёлбашчысы Гюлжанат Темирова районну юртларыны башчылары ва вакиллери булан юртлу ишчи къатынгишилени, кёп яшлы аналаны, загьматны ветеранларын (коронавирус инфекцияны яйылывуну алдын алмакъ муратда байрамны кёп халкъны жыйып, ­оьзге йылларда йимик, район администрацияны залында оьт­гермейли) уьйлерине барып къутлады ва район администрацияны янындан олагъа савгъатлар тупшурду.

Оьзлени уьйлерине гелип, Ананы гюню булан къутлагъаны саялы, айрокъда ­оьмюрге баргъан къатынгишилер бек рази къалды, оьзлеге этилген тергев ва сый саялы, районну башчысына, юртланы башчыларына ва оьзгелерине баракалла билдирди.

Бир-бир аналаны, демек, шо гюн иш уьстдеги муаллимлени, яшлар бавларыны къуллукъчуларын иш ерлерине барып къутлады.

Баргъан ерлеринде олар аналаны атына кёп макътавлу сёзлер айтды, олагъа савлукъ ва насип ёрады.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2