Комиссия иш гёре
Районну администрациясыны янында гьакъылбалыкъ болмагъан яшланы ва яшёрюмлени ихтиярларын якълайгъан хас комиссия къурулгъан ва иш гёре. Эсгерилген хас комиссиягъа районну башчысыны орунбасары Магьамматгьанипа Зугьумов ёлбашчылыкъ эте.
Шоллукъда, алдагъы гюнлерде гьакъылбалыкъ болмагъан яшланы ва яшёрюмлени ишине къарайгъан, оланы ихтиярларын якълайгъан хас комиссияны генгеши оьтгерилди. Шону ишинде гьакъылбалыкъ болмагъан яшланы ва яшёрюмлени масъалаларына къарайгъан Къарабудагъгент район ОМВД-ни инспектору Къ.Канзитдинов ва билим берив управлениени ёлбашчысыны орунбасары М. Гьажимагьамматов ортакъчылыкъ этдилер.
Генгешни барышында гьакъылбалыкъ болмагъан яшланы ва яшёрюмлени яман ишлерден сакъламакъ, оланы ихтиярларын якъламакъ ва ата-аналарын жавапгъа тартмакъ муратда лакъыр юрюлдю.
УФСИН-ни ДР-деги Каспийск муниципалара бёлюгюню ёлбашчысы И. Садриев генгешни барышында туснакъгъа тюшген гьакъылбалыкъ болмагъан яшланы яшав шартлары ва ихтиярлары гьакъда маълуматлар булан сёйледи.
Генгешни ахырында эсгерилген хас комиссияны жаваплы секретары М.Жалилов гьакъылбалыкъ болмагъан яшланы ва яшёрюмлени бугюнгю яшаву ва турушу гьакъда оьзюню пикруларын айтды.
Генгешни гьасилин чыгъарып сёйлеген М. Зугьумов гётерилген масъаланы гьар даим гьайында турмагъа чакъырды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
