Меню
16+

Сетевое издание «Будни района»

04.12.2020 08:42 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бугюнлер бавда, бахчада

Автор: Шихав Къайирбеков

Артдагъы гюнлерде болуп турагъан дагьнилер юртлу загьматчыны хош этмей болмай. Гюз чачыв ишлеге четимликлер тувдурса да, топуракъда дымлыкъны болувуна яхшы кёмек эте. Топуракъда дагьни 70 сантиметрден терен гетген. Сюрюлген топуракъларда дагьни дагъы да терен гетме бола.

Болуп турагъан янгурлар йылны бу заманында авлакъларда оьтгерме герекли ишлеге пуршавлукъ этди. Муну да бардыр бир яхшылыгъы.

Чакъ мукълу буса да, бугюнлерде де юртлу загьматчыгъа бавда, бахчада этме ишлер табыла. Бизин къайсыбызны да абзар-ягъа участкаларыбызда емиш тереклерибиз бар. Агьлю бюджетни тутдурукълу юрютме айланагъан ёлдашлар агьлюге тарыкъ болагъан сурсатланы оьзлени участкаларында болдурмакъны гьайын этелер. Самурсакъ, яшыл согъан, оьзге яшылчанлар чачгъанлар аз тюгюлдюр.

Гюзде тереклени айланасы къазылса, дагьни теренге гетегенден къайры, зиянлы жанлагъа къаршы ябушув юрютювде биринчи чара. Заманында чачылгъан самурсакъ, согъан ва оьзге яшылчалар яхшы тамурланып, оьсюп тура.

Бугюнлер бавда, бахчада тереклени айланасын къазма авур, тек янгур токътагъан мюгьлетлерде тереклени тюплерине, чачылгъан оьзге оьсюмлюклеге ерли кюйлевючлер тёгюп, себелеп азыкъ­ландырмакъны чараларын гёрсе, яхшы болур. Йылны бу заманында бавгъа, бахчагъа тёгюлген ерли кюйлевючлени топуракъгъа, оьсюмлюклеге пайдасы артыкъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2