Ярмакю оьтгерилген

Демек, шо ярмакюде Къарабудагъгент районну фермерлери де гьар тюрлю продукциялары булан оьзлени ортакъчылыгъын болдургъан. Онгъа ювукъ сабанчы-фермер хозяйстволар, айрыча иш гёреген предпринимателлер оьзлени уллу ва гиччи мююзлю гьайван-малны, къушланы, олай да районну территориясында болдурулгъан памидорланы ва оьзге продукцияланы сатывгъа алып чыкъгъаны гьакъда райондагъы юрт хозяйство управлениени начальниги Шагьабутдин Мустапаев маълумат берген. Ол эсгерген кюйде, ярмакюдеги багьалар базар багьалардан учуз болгъан. Ярмакюде районну маданият къуллукъчулары оьзлени программасын гёрсетген, демек, олар къумукъча ва башгъа тиллерде йырлар йырлагъан.

А.Къаплановну атындагъы эргишилени хору ва ЦТКНР-ни башгъа солистлери юрт хозяйство ярмакюню ортакъчыларына оьзлени номерлерин гёрсетгенин район администрациясыны яшёрюмлерини ишлерине къарайгъан ва маданият бёлюкню начальниги Найида Мурзаева да ташдыргъан.