Ёлугъув оьтгерди
24-нчю декабрде районну гьакимбашы Магьмут Амиралиев район администрацияны бинасында ашханаланы ва кафелени есилери булан ёлугъув оьтгерген. Шо ёлугъувну барышында М.Амиралиев коронавирус аврувну яйылывуну гьакъында маълумат берген.
«Бугюн-буссагьат Къарабудагъгент ЦРБ-де 45 адам шо аврувдан авруй. Уьйлеринде авруп ятгъанлар да бар. 65 йылдан оьмюрю уллулар уьйде олтургъаны, маска режимни къатты тутмакълыкъ, банкет заллар бегилмеклик – шулар барысы да аврувну яйылывуна таъсир этген. Демек, оланы санаву аз болгъан», — деди М. Амиралиев оьзюню сёзюнде.
Олай да, ол оьзюню сёйлевюнде чараланы дагъы да къатты салмасын учун адамлар талапланы яшавгъа чыгъармагъа герек.
Ашханаланы ва кафелени есилерине районну гьакимбашы М. Амиралиев заказланы къабул этмеге ва терезеден таба (на вынос) бермеге таклиф этди. Демек, шолай этилсе, адамлар бир-бири булан къатнамай.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
