Меню
16+

Сетевое издание «Будни района»

25.12.2020 10:08 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Маданият къала янгыртылды

Автор: Багьавутдин Самадов

Бу йылны ичинде бизин районубузда федерал ва регион программалагъа ва проектлеге гёре кёп санавда ишлер ва чаралар оьтгерилди. Демек, ёллар онгарылды, асфальт салынды, янгы яшлар бавлары къурулду, школаланы пишеблоклары онгарылды, адамлар ял алагъан бавлар ва парклар безендирилди, спорт майданчалар тизилди, яшавлукъ-коммунал шартлар яхшылашдырылды ва дагъы да кёп ишлер яшавгъа чыгъарылды.

Шоллукъда, 23-нчю декабрде Дёргели юртну тарихине язмагъа ярайгъан агьвалат болду. Демек, арив кюйде онгарылгъан ва безендирилген маданият къаланы ачылывуна багъышлангъан шатлы чарада оьтгерилди.

Айтагъаным, юртну маданият къаласы мекенли ва мукъаятлы кюйде онгарылды. Шо маданият къаланы онгармакъ учун «Маданият» деген милли проектге хас документлер булан къошулмагъа ва шону тийишли даражада онгармагъа бажарылды.

Шо чарада ДР-ни Гьукуматыны ёлбашчысыны 1-нчи орунбасарыны заманлыкъгъа борчларын кютеген Анатолий Карибов, ДР-ни маданият министрини заманлыкъгъа борчларын кютеген Зарема Бутаева гьюрмели къонакълар гьисапда ортакъчылыгъын болдурдулар.

Олай да, шо шатлыкъда районну башчысы Магьмут Амиралиев, район администрацияны жаваплы къуллукъчулары, къурулуш ишлени юрютген бирлешивню ёлбашчысы М. Гьасангьюсейнов, Дёргели юртну школаларыны муаллимлери ва юртлулар оьзлени ортакъчылыгъын болдурдулар.

Янгыртылгъан маданият къаланы ачылывунда ДР-ни Гьукуматыны ёлбашчысыны 1-нчи орунбасарыны заманлыкъгъа борчларын кютеген Анатолий Карибов, ДР-ни маданият министрини заманлыкъгъа борчларын кютеген Зарема Бутаева эсгерген кюйде, Къарабудагъгент районда артдагъы йылланы ичинде гьар тюрлю тармакъда кёп иш этилген.

«Озокъда, онгарыв ва ремонт ишлени яшавгъа чыгъарывда районну гьакимбашы Магьмут Амиралиев, оьзге тюрлю къурумланы ва идараланы ёлбашчылары оьзлени аслам къошумун болдургъан. Инанаман, Дёргели юртда йимик, районну ичиндеги оьзге юртларда да шулай шатлы ишлер ва агьвалатлар болажагъына.

ДР-ни Башчысыны заманлыкъгъа борчларын кютеген Сергей Алимович Меликовну атындан сизин барыгъызны да гьаракатыгъызгъа ва чалышывугъузгъа баракалла билдиремен», — деди ДР-ни Гьукуматыны ёлбашчысыны 1-нчи орун басарыны заманлыкъгъа борчларын кютеген А.Карибов.

ДР-ни маданият министрини заманлыкъгъа борчларын кютеген З.Бутаева оьзюню сёйлевюнде маданият ожакъланы безендирилгенине разилигин билдирген сонг, шону ичинде гьар тюрлю шатлы чаралар оьтгерилмекни ёрады.

Сонг гьюрметли къонакълар ва юртлулар янгыртылгъан маданият къаланы ичине къарап чыкъдылар. Бинаны ичинде юрт администрация, ерли китапхана ва музей ерлешген. Олар да бек арив янгыртылгъан.

Капитал ремонт этилген маданият къаланы адамлар гиреген актовый залыны майданы 300 квадрат метр бар. Шо залгъа 230 адам олтурмагъа бола. Ремонт ишлени этмек учун гьукуматдан 12 миллион 177 минг манат харж гёрсетилген. Шо ишлени «Спецремстроймонтаж» деген къурулуш бирлешив 3-4 айны узагъында юрютген.

Олай да, шатлы чараны барышында районну башчысы Магьмут Амиралиев оьтгерилген ишлени кютювде ва яшавгъа чыгъарывда чалышып айлангъан ёлдашлагъа разилигин билдирди. Сонг да, районну ичинде дагъы да юртларда шулай шатлы агьвалатлар болажагъын аян этди.

Чараны ахырында эсделикге кёп санавда суратлар чыгъарылды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6