Биринчи ерге ес болду
Янгы йылны алдында, демек, декабр айны 22-нде, «Открытие года 2020» деген номинацияны «Лучший пляж – 2020» деген экинчи республика конкурсну гьасиллерине гёре туризм ва халкъ батагъа министерлигинде генгеш оьтгерилген.
Дагъыстанны муниципал къурулувларыны арасында оьтгерилген конкурсну гьасиллерине гёре, Къарабудагъгент райондан 1-нчи ерге ес болгъан «Волна» деген муниципал пляжгъа диплом, олай да багьалы савгъат тапшурулгъан. Сонг да, бизин райондагъы санаторий «Каспий» де инг яхшы савлукъ болдурув комплекс гьисапланагъан саялы диплом булан савгъатлангъан. Конкурс чаралар бу йылны октябр айында юрюлген эди. Объектлеге экспертлер, минтуризмни касбучулары ва профил охув ожакъланы вакиллери багьа берген. 2019-нчу йылда муниципал пляжгъа арив безендиривлер этилген эди. Демек, беседкалар, скамейкалар салынды, чечинеген-гийинеген ерлер къурулду, къутгъарыв вышка этилди, ёллары онгарылды. 2021-нчи йыл шо ишлер дагъы да узатылажакъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.