Министр ёлугъув оьтгерген
ДР-ни юрт хозяйство ва сурсат министрини заманлыкъгъа борчларын кютеген Абзагьир Гьюсейнов республикада мелиорацияны оьсювюне байлавлу генгеш оьтгерген.
Шо чарада юрт хозяйство министрини орунбасары Шарип Шарипов, «Минмелиоводхоз» ФГБУ-ну ёлбашчысыны биринчи орунбасары Шамил Османов, юрт хозяйство министерликни жаваплы къуллукъчулары Къурбан Къурамагьамматов ва Нисрет Нисретов ва Къарабудагъгент районну гьакимбашы Магьмут Амиралиев оьзлени ортакъчылыгъын болдургъанлар.
Генгешни барышында Къарабудагъгент, Къаягент, Ботлих, Гергебил ва башгъа районланы сугъарылагъан сув булан таъмин этивю гьакъда мекенли кюйде лакъыр болгъан. Шо районлар сугъарылагъан сувну къоллайгъанда насос станциялардан таба сувну къоллавчулагъа бере.
Генгешни ортакъчылары эсгерген кюйде, субсидия акъча маялар сувну къоллайгъанлагъа берилмей. Демек, гьукуматны хас программаларында шолар учун харж гёрсетилмей.
Шоллукъда, юрт хозяйство министерликни ёлбашчысы А. Гьюсейнов эсгерилген пачалыкъны программаларына сугъарылагъан сувну къоллавчулагъа да енгилликлер гёрсетмек учун тийишли норматив документлер къабул этмекни тапшургъан.
Шолай кёмек этилсе, топуракъ булан доланагъанлагъа хыйлы кёмек болажагъы мекенли.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.