Меню
16+

Сетевое издание «Будни района»

18.12.2020 08:40 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Йылны айтылгъан спортчулары

Автор: Абдуллабек Самадов

Декабр айны 12-синде республикабызны тахшагьары Магьачкъалада спортну ушу-саньда къайдасы булан машгъул болагъан спортчуланы арасында 5 тюрлю авурлукъ категориядагъы спортчуланы арасында гетип барагъан йылны гьасиллерин чыгъара туруп, «Йылны айтылгъан спортчусу» деген ярышлар юрюлген. Шонда Дагъыстанны гьар тюрлю ерлеринден гелген хыйлы ушу-саньда спорт булан машгъул спортчулар ортакъчы­лыкъ этгенлер.

Оьтгерилген шо гьасил чыгъарыв ярышларда бизин районлу ушистлер де ортакъчылыгъын болдургъанлар. Шонда ортакъчылыкъ этген чинк де яш кочаплардан: Ильяс Исламов (Паравул), оьсюп гелеген яшёрюмлерден Иса Латипов (Оьтемиш), Магьаммат Генжеев “5 сторон света” деген спорт школа, юниорланы арасындан Магьаммат Омаров (Губден, Н.Шанавазовну атындагъы клуб), эсли спортчуланы арасындан Халит Сардаров “Денгиз” деген клуб), гьасил чыгъарыв ярышларда оьтюп барагъан йылны чинк де яхшы ушистлери гьисаплана. Тренерлени арасындан буса, яш ушистлени тренери Магьамматшапи Мугьутдинов (Паравул), оьрюм яшланы тренерлери Муса Мусаев, Къазимагьаммат Ибрагьимов, юниорланы тренери Магьамматали Магьамматов (Губден), эсли (уллу) ушистлени тренерлерини арасындан Болат Гьажиев (Къарабудагъгент). Оьрде атлары эсгерилген ушистлер ва тренерлер – йылны «Инг яхшы спортчулары» деген ярышланы алдынлылары.

Йылны гьасиллерин чыгъарывгъа багъышлангъан шо ярышларда ушу-саньдадан дюньяны чемпиону Мурат Ахавов, спортну министрини орунбасары, боксдан олимпия оюнланы чемпиону Гьайдарбек Гьайдарбеков, олай да, Дагъыстан муфтиятыны кёмекчиси де ортакъчылыкъ этгенлер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2