Меню
16+

Сетевое издание «Будни района»

18.12.2020 08:25 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Чаралар оьтгерилди

Автор: Нюрсагьадат Изамутдинова

Декабр айны 11-нде Къарабудагъгентде Россияны Конституциясыны гюнюне багъышланып «Родина моя Россия, в законе наша сила» деген чара оьтгерилди. Чара МКУ «РЦ БОН»-ну баш китапханасыны къуллукъчуларыны сиптечилиги ва Къарабудагъгент школаланы ортакъчылыкъ этивю булан оьтдю.

Чараны юрютеген китапханачылар А.Пашаева ва Д.Ильясова РФ-ни Конституциясыны тарихи гьакъда маълуматлар булан сёйледи, охувчуланы уьлкени Аслу Закону булан таныш этди.

Къарабудагъгент тарих-эл ахтарыв музейни ёлбашчысы Х.Алиева да Конституцияны, халкъланы ихтиярлары гьакъда хабарлады. Чарада Конституцияны белгилери: герб, гимн ва байракъны маънасы гьакъында да айтылды.

Чарада Конституциягъа гёре гьар адамны ихтиярлары булан бирче борчлары да бары эсгерилди.

Къарабудагъгент 1 номерли орта школаны охувчулары ватангъа, элине багъышлангъан шиъруланы гёнгюнден охуду.

Сонг охувчулар учун «Твои права и обязанности» деген викторина, «Родина моя Россия, в законе наша сила» деген китап выставка оьтгерилди. Байрам чараны узата туруп, Къарабудагъгент адатлангъан маданият Центрны йыраву Абдулазим Найипханов оьзюню йырларын йырлады.

Декабр айны 12-нде, демек, Конституцияны гюнюне, Губден орта школаны ва юрт музейни къуллукъчуларыны сиптечилиги булан байрамгъа багъышлангъан чара оьтгерилди. Чараны барышында 14 йыллыкъ яшёрюмлеге Россияны ватандашлары деп белгилейген паспортлар тапшурулду.

Конституцияны гюнюне багъышлангъан чаралар декабрни 12-нде Г.Абдуллаевни атындагъы Къарабудагъгент 1 номерли орта школада, олай да Къарабудагъгент 3 номерли орта школада да оьтгерилди.

Конституцияны гюнюне багъышлангъан чара Дёргели ЦТКНР-ни директору С.Тагьированы сиптечилиги ва Дёргели орта школаны охувчуларыны ортакъчылыгъы да булан бирче Дёргелиде де оьтгерилди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2