Меню
16+

Сетевое издание «Будни района»

18.12.2020 08:42 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Авур атлетикадан ярышлар

Автор: Абдуллабек Самадов

Оьтген сонгугюн, декабр айны 12-синде, Къарабудагъгентдеги «Олимп» спорткомплексинде белгили штангистибиз, спортну шо журасындан ветеранланы арасында дюньяны бир нече керенлер чемпиону Алимагьаммат Изиевни эсделигине авур атлетикадан район ярыш оьтгерилген. Шо ярыш район спорткомитетни, Паравул юртдагъы Изиевлени къавумуну ва яшёрюмлени парламентинден район Жыйынгъа депутат Алимагьаммат Убаевни сиптечилиги булан юрюлген. Районну юртларындан гелип жыйылгъан 30-гъа ювукъ штангистлер шо гюнгю ярышда 6 тюрлю авурлукъ категориягъа бёлюнюп, гюч сынагъанлар.

Ярышланы юрюшюнде Къарабудагъгент юртлу белгили штангистибиз Абузагьир Исрапилов баш судьяны борчларын кютген. Ярышлар къаравчуланы къурчун гётереген кюйде жанлы юрюлген. Ярышлар тамамлангъан сонг чыгъарылгъан гьасиллеге гёре:

61 кило авурлукъда ортакъчылыкъ этгенлени арасындан:

Магьамматариф Герейханов (Паравул) – 1-нчи, Махсум Гьамзатов (Паравул) – 2-нчи, Сапиюлла Салигьов (Къарабудагъгент) – 3-нчю.

67 кило авурлукъда:

Амирхан Ильясов (Къарабудагъгент) – 1-нчи, Якъуп Акайимов (Паравул) – 2-нчи, Юсуп Къазимирзаев (Къарабудагъгент) – 3-нчю.

73 кило авурлукъда:

Алибек Къыявов (Къарабудагъгент) – 1-нчи, Мамайхан Юсупов (Паравул) – 2-нчи, Магьамматзагьир Абдуллаев (Къарабудагъгент) – 3-нчю.

81 кило авурлукъда:

Айнутдин Абдуллаев (Паравул) – 1-нчи, Руслан Абдуллагьатов (Къарабудагъгент) – 2-нчи, Магьаммат Къайирбеков (Паравул) – 3-нчю ерлени алгъан.

89 кило авурлукъда:

Расул Темирбеков (Паравул) – 1-нчи, Магьаммат Арслангереев (Губден) – 2-нчи, Салигь Атавов (Паравул) – 3-нчю.

96 кило авурлукъда:

Паравуллулар Арсанали Абдулманапов 1-нчи, Умар Мамасиев 2-нчи, Нюрмагьаммат Селдеров буса 3-нчю ерлеге ес болгъанлар.

Барыбыз да гёреген кюйде, эсделик ярышны игитини юртлулары оьз­лени биринчи тренери болуп юрюген мисгин Алимагьаммат Изиевни эсделигине юрюлген ярышда яхшы гьаракатчылыкъ гёрсетгенлер. Шо буса бизге Алимагьаммат Изиевни савундагъы гьаракатын гёрсете. Эсгерилген ярышны алдынлылары барысы да спорткомитетни янындан медаллар, грамоталар, кубоклар булан савгъатлангъанлар. Шо ярыш авурлукъ гётерив булан машгъул болагъан спортчуланы ва къаравчуланы эсинде къалардай арив юрюлген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2