Паравул школагъа савгъат
ДР-ни билим берив Министерлигини сентябр айны 24-ндеги 1951-08/20 номерли буйругъуна гёре ва «Образование» деген милли проектни яшавгъа чыгъара туруп, умуми билим берив къурумларда МБО-ну яшланы ёл-транспорт хаталагъа къаршы профилактика ишлени кютмек учун Паравул 3 номерли орта школагъа мобильный автогородок берилген.
Демек, муаллимлер оьзлени дарсларын бинаны ичинде, олай да орамда оьтгерме болажакъ. Олагъа яшланы ёл юрюшде низамны болдурувну ва ёлдан нечик чыкъма герекни уьйретме имканлыкъ тувулунажакъ.
Эсгерилген школаны ЮИД командасы ПДД-ни «Безопасное колесо» ва «Верны ЮИДовский стране» деген республика конкурсларда ортакъчылыкъ этип, алдынлыкъны алып тура.
ЮИД отряд ДР-ни билим берив Министерлигини, ДР-деги УГИБДД МВД-ни, Къарабудагъгент районну билим берив управлениесини янындан кёп керенлер грамоталар ва дипломлар булан савгъатлангъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
