Меню
16+

Сетевое издание «Будни района»

11.12.2020 08:41 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Чемпионну къаршыладылар

Автор: Абдуллабек Самадов

Декабр айны баш гюнлеринде Оренбург шагьарда бокс булан машгъул болагъан спортчуланы арасында боксдан россияны чемпионаты оьтгерилген. Шо чемпионатда Дагъыстанны боксёрлары да ортакъчылыкъ этгенлер. Шоланы арасындан 2 боксёрубуз 1-нчи ерлени алып, алтын медальгъа, 2-си буса гюмюш медаллагъа ес болгъанлар. Эсгерилген чемпионатда ортакъчылыкъ этип 2-нчи ерни къазанма бажаргъанланы бириси – бизин районну Дёргели юртунда тувуп оьсген, шо юртлу тренер Солтан Мигитдиновну уьйретивлери булан бокс ябушувну къайдаларына уьйренип юрюйген Шарапутдин Атаев.

Ол оьзюню 81 кило авурлугъундагъы боксёрлар булан гюч сынагъан. Финалда чеченли кочап булан ёлугъуп, ондан утулгъан сонг, Шарапутдинге 2-нчи ер берилген.

Алдагъы гюн, декабр айны 6-сында, ахшам вакъти Каспийск аэропортунда чемпионатны алдынлысы Шарапутдин Атаевни шатлыкъда къаршыламакъ учун Дёргели юртну башчысы Гьамзат Мурзаев, районну спорткомитетини ёлбашчысы Завур Умаракъаев, спорткомитетни бёлюгюню ёлбашчысы Исмайыл Атаев ва кёп санавдагъы дёргелили спортчу уланлар жыйылып ортакъчылыкъ этгенлер.

Дёргели юртну башчысы Гьамзат Мурзаев боксдан Россия ярышларыны алдынлысы Шарапутдин Атаевни ва ону тренери Солтан Мигитдиновну етишген уьстюнлюгю булан юртлуларыны атындан къутлай туруп, Шарапутдинге гележекде дагъы да оьрлюклер ёрагъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6