Меню
16+

Сетевое издание «Будни района»

06.11.2020 09:20 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

...Сагъа не бола?

Автор: Шихав Къайирбеков

«Очаргъа салынгъан гёнден (тери) чарыкъ болмас» дегенлей, артдагъы вакътилерде районда табиатны, айлана якъны къоруп сакълавгъа, юртларыбызны гёзеллигин, тазалыгъын болдурувгъа байлавлу болуп кёп сёз юрюле. Районда, ерлерде тазалыкъны болдурмакъ учун бир зат да этилмей десе, дурус болмас.

Артдагъы эки йылны ичинде районда гьар тюрлю федерал, регион, муниципал программалар булан юртланы гёзеллигине, юртлуланы ял алывуна, яшёрюмлени спорт булан машгъул болувуна болушлукъ этмек муратда гюл бавлар, ял алагъан ерлер, спорт майданчалар къурулгъан. Юртларда, шагьарларда йимик, адамлагъа ял алмагъа, жагьиллеге, яшёрюмлеге спорт булан машгъул болма бары да онгайлыкълар бар десек, къопдурув болмас.

Тазалыкъны биревню гьаракаты яда буйрукъ булан этип болагъан зат тюгюл. Тазалыкъны болдурувда гьар ватандаш оьз къошумун этме тарыкъ. Ерлерде тазалыкъны болудурувда ата-ананы, охув ожакъланы муаллимлерини, уллуланы ролю уллу. Ата-ана авлетлерине чёп-алагъожаланы хас ерлеге ташлама тарыгъын айта турма тарыкъ. Уллулар да насын ёл бойгъа, орамгъа ташлайгъанланы гёргенде, гёрмейген болуп оьтюп къалмай, айып этме тюше.

Юртларыбызны гёзеллигин, тазалыгъын болдурувгъа лап тогъас салагъан зат – юртланы орамларында оьзтерече саякъ айланагъан гьайванлар. Саякъ гьайванланы масъаласы айрокъда райцентрда итти токътагъан. Къаравсуз гьайванлар нас тёгеген контейнерлени авдарып, ташлангъан пакетлени йыртып, айлана якъны нас-алагъожалагъа айландырып къоягъанын къайсыбыз да гёребиз.

Районну башчысы М.Ами­ралиев юртланы башчыларына ерлерде саякъ айланагъан гьайванланы, гьайванланы гезивге чыгъарагъан кюйню этме тарыкъ деген масъаланы гётерегени де 4-5 йыллар бола.

2016-нчы йылда район Жыйыныны депутатлары районну юртларында гьайван-малны отлавну, сакълавну гьакъында хас къарар да къабул этген эди. Къарар къабул этил­гени де 4 йыл бола, тек масъала чечилмеген. Саякъ гьайванлар пуршавсуз орамларда гезей, нас тёгюлеген контейнерлени авдара, гюл бавларда отлайлар.

Октябр айны 27-нде район администрацияда болгъан генгешде къайтып шо баягъы саякъ гьайванланы алдын алывну масъаласы гётерилди. Шо масъалагъа байлавлу районну юрт хозяйство управлениесини ёлбашчысы Ш.Мустапаев баянлыкъ берди. Ол билдиреген кюйде, къурумгъа ерлерде саякъ гьайванланы тутмакъ учун ишге 4 адам алынгъан. Олар ноябр айдан башлап орамларда саякъ айланагъан гьайван-малны тутуп, гёрсетилген хас ерге етишдирежек.

Гьайван-малын саякъ къоягъан ёлдашлагъа салынагъан къодулар да гиччи тюгюл. Биринчи гюнге – 3320 манат. Гюренге гийирилип къалгъан гьар гюнюне 2520 манат къоду алынажакъ.

Яшав гюнден-гюн къыйын бола барагъан девюрде тутулгъан гьайван-малгъа салынагъан къоду аз акъча тюгюл, тек…

Саякъ гьайванланы масъаласы гётерилегени бу биринчи гезик тюгюл. Саякъ гьайванланы масъаласы гьакъда район газетни бетлеринде чыкъгъан материалланы жыйсакъ, къалын папка болур эди.

Къурбуки, Гьели юртланы жамиятлары саякъ гьайванланы масъалаларын аз гётермеген.

Саякъ гьайванлагъа салынагъан къодулар «Мен яман бусам, сагъа не бола» — дегенлени гёзюн ачар деп ойлашабыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4