Меню
16+

Сетевое издание «Будни района»

06.11.2020 11:45 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Пищеблоклар тергелди

Автор: Шихав Къайирбеков

Сентябр айны 1-нден башлап районубузну бары да охув ожакъларында башлапгъы класланы охувчуларына толу кюйде исси аш берилме башлагъан.

Октябр айны 29-нда Къарабудагъгент районну башчысыны орунбасары Жалалутдин Жамалутдинов районну билим берив управлениесини ёлбашчысы Тажли Хизриева булан бирче охув ожакъларда ва яшлар бавларда тергев булан болдулар .

Шо гюн олар школаланы ва охув чагъы етишмеген идараланы аш этеген пищеблокларыны ва буфетлерини гьалын тергеди.

Янгы охув йылгъа школаланы биналарында ремонт ишлер оьтгерилгенине, исси ва сувукъ сув тартылгъанына, полларына ремонт этилгенине гёз къаратдылар.

Демек, столовыйларда ишлейгенлер бары да тарыкъ санитар опуракълар булан таъмин экенлиги, барысыны да медицина книжкалары барын, йылда бир керен районну больницасында тергелегенлиги аян болду.

Роспотребнадзорну таклифлерине районну бары да школаларында аслу тергев бериле.

Тергелген бары да охув ожакъларда гигиена мююшлер, маскалар, дезинфекция этеген алатлар ва бахилалар бар.

Олай да, билим берив управлениени ёлбашчысы Тажли Хизриева, класланы ва группаланы тергеп, охувчу яшлагъа нечик аш берегени гьакъында сорады .

Къакъашура, Къакъамахи, Дёргели, Паравул юртланы школаларында ва яшлар бавларында да шолай тергев ишлер оьтгерилди.

Тергевлени натижасында бир-бир ёлбашчылагъа къоду салынгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5