Ишлер тамамлана
Белгили кюйде, «100 школа» деген хас программагъа гёре, бизин республикабызны ичиндеги орта билим береген охув ожакъларда ремонт ва оьзге тюрлю ишлер юрюле.
Шоллукъда, «100 школа» деген программагъа гёре, бизин районубузну ичиндеги 8 орта школада да бу йылны узагъында ремонт ишлер юрюлдю.
Ачыкълашдырып айтсакъ, районну башчысыны 1-нчи орунбасары Ибрагьим Абдулмежитов берген баянлыкълагъа гёре, Къарабудагъгент 1, 2 ва 3 номерли, Къакъашура 1 номерли, Сираги, Джанга, Ленингент ва Паравул 1 номерли орта школаларда ишлер юрюлдю.
Бугюн-буссагьат Къарабудагъгент 2 ва 3 номерли ва Джанга орта школаларда ишлер узатылып тура, къалгъан орта школаларда буса тамамлангъан. Гьар орта школада оьтгерилген ремонт ишлени багьасы 1 миллион 355 мингден 2 миллион 36 минг манатгъа ерли. Оьтгерилген ишлени сёйлешивлери (контрактлары) август айны башында гючге гирген.
Олай да, «100 школа» деген программаны гьар школагъа ичинде 400 мингден 1 миллион манатгъа ерли сиптечилик кёмегин болдургъанлар да бар.
Ремонт ишлени оьтгеривге «АСАД», «Полюс», «Вертикаль», «РСК-Альфа» ПК, «Гаджиев Ш.З.» ИП къуршалгъан болгъан.
Районну башчысыны биринчи орунбасары Ибрагьим Абдулмежитовну маълуматларына гёре, ремонт ишлени оьтгерген къурулуш къурумлагъа ва идаралагъа пачалыкъны янындан гёрсетилеген харж тийишли даражада йиберилген. Олай да, ремонт ишлер тындырыкълы ва мекенли кюйде тамамлана тура деп, бирдагъы керен И.Абдулмежитов ачыкъ этди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
