Меню
16+

Сетевое издание "Району яшаву"  «Будни района»

06.11.2020 11:49 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гючюбюз – бирликде

Автор: Калимат Элмурзаева

Бизин уллу ватаныбызны тарихинде Халкъны бирлигини гюню уллу агьамиятлы байрамлардан санала. Уьлкебизде бу байрам 2005-нчи йылны ноябр айыны 4-нден башлап белгилене.

Шолай, ноябр айны 3-нде Къарабудагъгент юртну Маданият уьюню абзарында «В дружбе народов-единство России» деген Халкъланы бирлигини гюнюне багъышлангъан чара оьтгерилди.

Район китапхананы къуллукъчулары, байрамгъа багъышланып, китапланы выставкасын оьтгерди.

Чараны юрютювчюлери гелген къонакълагъа Азинат Пашаева ва Дина Ильясова бу аслу байрамны тарихи гьакъда хабарлады.

Шо гюнгю чарада Къарабудагъгент район администрацияны социал сиясат управлениесини ёлбашчысы Гюлжанат Темирова, районну тамазаларыны советини председатели Абдулгьамит Мамагишиев ортакъчылыгъын болдурду.

–Бизин уьлкебизни халкълары Уллу Ватан давда бир болуп ябушуп уьстюн гелген. Биз барыбыз да бир болуп яхшы ишлер этип болабыз. Халкъ бир болса, бизин бир чапгъынчыда елеп болмажакъ,-деди оьзюню сёйлевюнде Г.Темирова.

Олай да, районну тамазаларыны советини председатели Абдулгьамит Мамагишиев, чараны ортакъчыларын къутлай туруп, районубузда яшайгъан бары да халкъгъа къатты савлукъ, узакъ оьмюр ва уьстюнлюклер ёрады.

Къарабудагъгент гимназияны охувчу яшлары халкъланы бирлигине багъышлангъан шиърулар охуду ва РЦТКНР-ни солисти Абдулазим Найипханов тынглавчулагъа оьзюню йырын савгъат этди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5