Меню
16+

Сетевое издание «Будни района»

06.11.2020 11:53 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Депутатны кёмеги

Бугюн, 5-нчи ноябрде, РФ-ни Пачалыкъ Думасыны депутаты Абдулгьамит Эмиргьамзаев бизин районда сапар булан болду. Ону районну башчысы Магьмут Амиралиев оьзюню иш кабинетинде Къарабудагъгент ЦРБ-ни баш врачы Расул Гьиравов ва Къарабудагъгент райэлектросетни ёлбашчысы Залибек Гьарумов булан къаршыладылар.

Ёлугъувну башында районну башчысы М. Амиралиев РФ-ни Пачалыкъ Думасыны депутаты А. Эмиргьамзаевге бугюн-буссагьат райондагъы коронавирус булангъы гьалны гьакъында айтгъан сонг, ярыкъ булан таъмин этивню масъаласы гьакъда да баянлыкълар берди.

Демек, районну башчысы М. Амиралиев, КЦРБ-ни баш врачы Р. Гьиравов ва РЭС-ни ёлбашчысы З. Гьарумов депутатгъа больницагъа ва ярыкъ булан тийишли кюйде таъмин этивге кёмегин болдурмакъны тиледилер. Депутат А. Эмиргьамзаев районну гьакимбашы М. Амиралиевге оьзюню атына ярыкъланы масъаласы гьакъда хас кагъыз язмакъны таклиф этди.

Сонг РФ-ни депутаты А. Эмиргьамзаев районну башчысы М. Амиралиевни ва КЦРБ-ни баш врачы Р. Гьиравовну узатылыву булан район больницагъа бардылар.

Район больницаны инфекция бёлюгюне барып, коронавирус булан аврувланы гьалы гьакъда билген сонг, депутат Абдулгьамит Эмиргьамзаев больницагъа оьзюню янындан кёмек гьисапда дарманлар, уколлар, халатлар, маскалар ва ­оьзге тарыкъ­-герек алатланы тапшурду. А. Эмиргьамзаев районну башчысыны чалышывуна ва гьаракатына оьр багьа берди ва оьзюнден болагъан кёмегин этежегин ташдырды.

Районну башчысы Магь­мут Амиралиев де оьз халкъына къолкъошагъан ва авур гюнлерде кёмеклешеген депутатгъа районну бары да халкъыны атындан баракалла билдирди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4