Уьч школаны тергеген
Артдагъы йыллар Дагъыстан республикада «100 школа» деген проект иш гёрюп тура. Шо проектге гёре республикабызны билим берив ожакъларыны материал-техника базасы яхшылашдырыла, эсги ва бузулгъан биналары онгарыла ва башгъа тюрлю ишлер оьтгериле. Алдагъы гюн, ноябр айны 21-нде, «100 школа» деген проектге гёре, Къарабудагъгент районну башчысы Магьмут Амиралиев, районну башчысыны биринчи орунбасары Жалалутдин Жамалутдинов ва районну билим берив управлениесини ёлбашчысы Тажли Хизриева, олай да оьзге жаваплы ёлбашчылар Къарабудагъгент юртну школаларында этилген ремонт ишлени тергеп чыкъды
Шолай, Къарабудагъгент 1 номерли орта школада «100 школа» деген проектге гёре, пищеблокланы ремонт этген, ярыкъ этеген системаланы ва санузеллени онгаргъан, школаны орта барусун беклешдирген ва школаны алдындагъы майданчагъа асфальт салынгъан.
Шо гюн Къарабудагъгент районну башчысы Магьмут Амиралиев школаны яшлар ашайгъан пищеблогун тергеп чыкъды.
1 номерли орта школаны ёлбашчысы Рупияханым Парзаева оьзюню коллективини атындан районну башчысына, ремонт ишлени оьтгерегени саялы, баракалла билдирди.
Къарабудагъгент 2 номерли орта школаны ёлбашчысы Гьалимат Гьарумова гелген къонакълагъа этилген ремонтланы гьакъында тындырыкълы кюйде хабарлады. Демек, школаны спортзалында ремонт ишлер этилген, тамлары онгарылгъан, полу алышынгъан ва янгы эшиклер салынгъан, олай да школаны китапханасында реконструкция этилинген.
Гь.Гьарумова билдирген кюйде, 2021-нчи йылда футбол ойнайгъан майданчаны ва пищеблокну онгармагъа гёз алгъа тутулгъан.
Къарабудагъгент 3 номерли орта школада, къыйынлыкълагъа да къарамайлы, кёп ишлер этилген деме ярай.
Школаны ёлбашчысы Гюлжанат Зайнутдинова хабарлагъан кюйде, школаны экинчи корпусунда арив ремонт ишлер оьтгерилген, къалкъысы алышдырылгъан, тамлагъа ва пурхалагъа акъ чабылгъан, олай да, школаны уьч де корпусуну ток теллери янгыртылгъан.
Сонг да, школаны абзарында янгы бару ишленген ва школаны алдындагъы майданчагъа асфальт этилинген.
Районну башчысы Магьмут Амиралиев билдирген кюйде, ремонт ишлер гележек 2021-нчи йылда да узатылажакъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
