Меню
16+

Сетевое издание «Будни района»

27.11.2020 09:13 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Техника – юрт хозяйствода аслу гюч

Сынав гёрсетип турагъаны йимик, юрт хозяйство производствону гётеривде авлакъ ниъматлар болдурувда ерлерде бар машин-трактор паркдагъы гьар тюрлю техниканы, олагъа тиркелеген алатланы санав ва сан янындан кёп зат гьасил бола. Яшырмагъа негер тарыкъ, демократия алмашынывлардан сонг районда бар машин-трактор парклардагъы техника ва олагъа тиркелеген алатлар тезден оьзлени иш ресурсларын оьтген, эсги болгъан техника авлакъ ишлерде къолланып турду. Эсги техника авлакъ ишлени вакътисинде кёп бузулагъаны, болдурулагъан тюшюмлер тас болувлагъа тарыйгъаны герти.

Юрт хозяйство тармакъны оьсдюрмек, алынагъан авлакъ ниъматланы къадарын артдырмакъ учун янгы техника болмаса бажарылмай.

Шону гёз алгъа тутуп, районну юрт хозяйство продукталар болдурувчулары артдагъы вакътилерде оьз­лерде бар юрт хозяйство машинлени, тракторланы янгыртмакъны гьайын этме айланалар. Масала, тарихге гетип барагъан йылда районну юрт хозяйство продукталар болдурувчулары 7 янгы трактор ва олагъа тиркелеген алатлар алгъанлар. Шолай, “Арслан” деген сабанчы-фермер агьлю оьзюню гьайванчылыкъ комплексиндеги къуллукъланы кютме бир янгы «МТЗ-82.1» ва акъкъатыкъланы ташыма Газель “NEXT 3302-32”, тири емлер юклейген техника алгъан.

КФХ «Къакъашура сют-булакъ» гьайванчылыкъ тармакъда къолламакъ муратда янгы «МТЗ-82.1» трактор алды.

Гьели юртда иш гёреген «Мурат» деген СПК ашлыкъ оьсдюреген хозяйствосунда къолламакъ учун янгы «МТЗ-952.3» трактор алгъан.

Уллубийавул юртдан ИП ГКФХ “И.В.Умаханов” юзюмлюклерде машинлешдирил­ген къуллукъланы кютмек учун янгы «МТЗ-82.1» трактор алгъан.

«Весы» деген СПК емлени увакъ этеген «ДВР-11» деген техника алгъан.

Республикада юрт хозяйст­во продукталар болдурувчулагъа юрт хозяйство техника алывда машин-трактор парк­ларын янгыртывда иштагьын гётермек муратда гьар тюрлю енгилликлер гёрсетиле. Масала, 2020-нчы йылда ДР-ни Минсельхозпродну линиясындан янгы техника алмакъ, гьайванчылыкъ фермаланы машинлешдирмек учун алгъан ясандырыв­лагъа гетген харжланы 50 проценти республика бюджетден таба къайтарыла.

Оьрде эсгерилген сабанчы-фермер агьлюлер, СПК-лар гьукуматны янындан этилеген якълавлардан пайдаланып, гетген харжланы 50 процентине субсидия акъчалар алдылар.

2020-нчы йылда районну СПК-лары ва КФХ-лары лизингни шартларында, 17 техника алма, гетген харжланы гесегин субсидия этивню шартларында 10 трактор алма заявкалар берилген.

Гьали топуракъда доланагъан адамгъа дестине техниканы толу багьасын берип алма авур. Янгы техника багьа. Топуракъда доланма сюйген сонг, техникасыз да болмай. Ерлерде оьрде эсгерилген шартлар булан янгы техника алма сюеген СПК-лар, КФХ-лар бар буса, районну юрт хозяйство управлениесини касбучуларына ёлукъма яда 2-23-44 номерге сёйлеп, тарыкълы маълуматланы билме, районну юрт хозяйство продукталар болдурувчуларына кёмек этме гьазирбиз.

Ж.Акаев, районну юрт хозяйство управлениесини баш инженери

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0