Меню
16+

Сетевое издание «Будни района»

27.11.2020 09:40 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Сакълыкъ тарыкъ

Алдагъы гюн «Къарабудагъгент район» муниципал районну башчысыны орунбасары М.Зугьумовну иш кабинетинде Магьачкъала темир ёл участкасында темир ёл юрюшде къоркъунчсузлукъну болдурмакъ муратда оьрде аты эсгерилген ёл бёлюкню баш инженери Т.Къаплановну ва ОГИБДД Росияны ОМВД-ни бизин райондагъы бёлюгюню ёлбашчысыны заманлыкъ­гъа борчларын кютеген А.Ибрагьимовну ортакъчылыкъ этивю булан чара ­оьтгерилген.

Чарада темир ёлдан оьтеген ерде поездлени юрюшюнде къоркъунчсузлукъну болдурув чара тийишли даражада тюгюл экени эсгерилген.

Гёрюлеген чаралагъа да къарамайлы, темир ёлдан оьтеген ерде поездлени юрюшюню къоркъунчсуз юрюшюн болдурувда яхшы янгъа багъып бурулув гьис этилмей. 2020-нчы йылны оьтген вакътисинде темир ёлдан оьтеген ерде 4 ёл юрюш хата болгъан.

Чараны барышында касбучулар бизин районну территориясында темир ёлгъа ювукъ бойларда уллу мююзлю гьайванланы отлатывну, темир ёлдан оьтеген ерде гьайванланы чыгъарывну къайдаларын, англатыв ишлени узатма тарыгъы эсгерилген.

ОГИБДД-ни къуллукъчулары булан бирликде темир ёлдан оьтеген ерде поездлени къоркъунчсуз юрюшюн болдурмакъ муратда социал агитация къуралланы къоллап, профилактика чараланы оьтгермекни агьамиятлыгъы эсгерилген. Халкъны арасында Магьачкъала регионну бизин якъдагъы боюндагъы темир ёлдан оьтеген ерде болагъан хатабалагьланы алдын алывда ватандашланы арасында англатыв ишлени узатып турма таклиф этилген. Шо муратда этилеген ишлени, гёрюлеген чараланы район газетни бетлеринде берип турмакъны агьамиятлыгъы да арагъа чыкъгъан.

Чараны ахырында ону ортакъчылары ГАИ-ни бизин райондагъы бёлюгюню къуллукъчулары темир ёлдан оьтеген ерде дежурналыкъ оьт­герме, ёл юрюшню ортакъчыларыны арасында темир ёлдан оьтегенде сакълыкъны болдурма, юрюшню къайдаларын тюз юрютювню, пропаганда этив ишлени узатмакъны агьамиятлыгъы эсгерилген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2