Охувчулар китапханада
Гьели мактапда гьар йыл кёп тюрлю чаралар ва ёлугъувлар оьтгериле. Олай да, гьар йыл башлапгъы класланы охувчулары китапхана булан таныш бола.
Шолай, алдагъы гюн Гьели юртну китапханасында 1-нчи «а» класны охувчу яшлары булан ёлугъув оьтгерилди.
Биринчи класны охувчу яшлары клас ёлбашчысы Гьалимат Алиева булан бирче юртну китапханасына къонакълай гелди.
Китапхананы ёлбашчысы Лабатханым Абдусаламова яшланы арив къаршылап, олагъа китапхананы гьакъында хабарлады, бары затны гёрсетди ва китапланы охумагъа герекни гьакъында лакъыр этди. Китапхананы ёлбашчысы къонакълай гелген яшлагъа китапланы пайдасыны гьакъында, оланы нечик аяп сакълама герекни ва телефонланы, оьзге тюрлю гаджетлени кёп къоллама ярамайгъанны англатды. Ол яшлар булан арив хабарлап, кёп яхшылыкълар ёрады.
Къонакълай гелген школаны гиччипавлары оьзлени уьйренген шиъруларын гёнгюнден охуду.
Биринчи класны охувчу яшлары С. Сагьадуллаев, Р. Мусаев, М. Ягьияев, А. Гьажиева, С. Атлиева, А. Камалутдинова, З. Атаева оьзлени кёп сюеген аналарына багъышлангъан шиъруланы орус тилде къужурлу кюйде охудулар ва уьйренген хабарларын айтды.
Сонг китапхананы ёлбашчысы яшлагъа къурдашлыкъны гьакъында лакъырлашды. Яшлар оьзлеге берилген соравлагъа толу жаваплар бердилер. Олай да, олар яшлар бавунда уьйренген бийивюн де бийидилер. Яшлар яхшы охужакъгъа, китапларын арив сакълажакъгъа сёз берди.
Чараны ахырында китапхананы къуллукъчулары яшлагъа гиччирек савгъатлар тапшурду. Оьтгерилген ёлугъув яшланы эсинде къалардай къужурлу оьтдю.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
