Конкурсну алдынлылары
Ноябр айны 20-нда Магьачкъаладагъы Дослукъну Уьюнде гьар йыл оьтгерилеген «Права человека глазами ребёнка» деген республика конкурсну финалы оьтгерилди. Бу конкурс гележек наслу оьзлени ватандаш позициясын къуруп билмек, адамны ихтиярларын якълавдагъы билимлерин артдырмакъ, англавун оьр этмек учун къоллана. Конкурсну финал бёлюгюнде охувчулар оьзлени илму ва яратывчулукъ ишлерин якълама герек эдилер.
Яшланы чыгъып сёйлевлерин ДР-ни билим ва илму министри Уммупазил Омарова, ДР-ни сайлав комиссиясыны председатели Магьаммат Дибиров ва оьзгелери къыйматлай эди.
Эсгерилген конкурсда Къарабудагъгент 3 номерли школаны 7-нчи «в» класыны охувчу къызы Аслиханым Исаева (илму ёлбашчысы Сара Бахриева), 11-нчи класыны охувчу къызы Хайранса Сайитова (илму ёлбашчысы Зумрут Арсланбекова) ортакъчылыгъын болдурдулар. «Имею право на семью» ва «Здоровые дети – здоровая нация» деген тармакъда илму ишин якълап, экиси де алдынлы ерлеге ес болдулар А.Исаева «Не отнимайте у ребёнка детство» деген яратывчулукъ ишде –1-нчи, Х.Сайитова «Здоровые дети – здоровая нация» деген илму ахтарыв ишде 3-нчю ерни алдылар.
Конкурсну ахырында алдынлы ерлени алгъанлар дипломлар ва багьалы савгъатлар булан савгъатланды, муаллимлерине грамоталар тапшурулду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
