Меню
16+

Сетевое издание «Будни района»

27.11.2020 09:04 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гезикли уьстюнлюгю

Автор: Абдуллабек Самадов

Къарабудагъгентли кочабыбыз Басир Саралиевни спорт ябушувлардагъы уьстюнлюклери гьакъда биз газетни бетлеринде язып, охувчулагъа бир нече керенлер билдирип де юрюгенбиз. Болса да, биз ону атына этеген макътавлар кёп тюгюл. Айтагъаным, Басир Саралиевни ябушувдагъы уьстюнлюклери барысы да оьзюню гьаркатчылыгъыны натижалары деп айтмагъа ярай.

Ол оьзюню тренери Адил Арслановну даимлик гьаракатчылыгъындан толу кюйде пайдаланып, къошулчан ябушувланы сырларын теренден уьйренмеге, билмеге этеген гьаракатын кемитмей.

Шо саялы болмагъа ярай, къайсы ярышлагъа барса да, ким булан гюч сынаса да, Басир Саралиев уьстюн­люкню биревге де къоймагъан. Масала, ноябр айны 14-нде Грозный шагьарда профессионалланы арасында къошулчан ябушувлардан (смешанный бой) гезикли ярыш юрюлген. Шо ярышда бизин кочабыбыз Басир Саралиев оьзюню 65, 8 кило авурлугъундагъы къыркъызлы кочап Калыбек Садыкалы булан ёлугъуп, ябушув оьт­гергенлер. Шо ярышда да Басир Саралиев, биринчи тутушувундокъ къыргъызлы кочапдан уьст гелип, алдынлыкъны алма бажаргъан. Эсгерилген ябушувлардан професионаллар булан гюч сынавда бизин кочабыбыз Басир Саралиев алдынлыкъ алагъаны 4-нчю гезик.

Бизин кочабыбызны Грозный шагьарда къазангъан гезикли уьстюнлюгю булан къутлайбыз! Гележекде Басирге дагъы да оьр­люклер ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9