Меню
16+

Сетевое издание «Будни района»

20.11.2020 09:40 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Пищеблоклагъа тергев

Алдагъы гюнлерде Къарабудагъгент районну башчысыны орунбасары Жалалутдин Жамалутдинов районну билим берив управлениесини ёлбашчысы Тажли Хизриеваны узатыву булан Къарабудагъгент юртдагъы яшлар бавларында болдулар.

Шо иш сапарында олар яшлар бавланы пищеблокларына ва гюплерини техника гьалына тергев болдургъанлар. Бу йылны башында эсгерилген яшлар бавларында ремонт ишлер юрюлген ва санитар гигиена талаплагьа гёре пищеблоклар янгыртылгъан. Яшлар бавлары оьзлени ишинде бугюн-буссагьат Роспотребнадзорну талапларын яшавгъа чыгъара. Демек, биналагъа гирегенде адамланы иссилиги тергеле, дезинфекция алатлар къоллана, маскалар гийиле, олай да гигиена мююшлер бар.

Билим берив управлениени ёлбашчысы Т.Хизриева сапарны барышында гиччипавлагъа оьзлеге берилеген исси ашны ва олар булан юрюлген дарсланы гьакъында гиччирек лакъыр этген.

Районну башчысыны орунбасары Ж.Жамалутдинов ва районну билим берив управлениесини ёлбашчысы Т.Хизриева ишде йиберилеген аз-маз кемчиликлени алдын алмакъны тапшургьан сонг, шулай тергевлер даимлик кюйде юрюлежегин ­ачыкъ этген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3