Меню
16+

Сетевое издание «Будни района»

20.11.2020 09:20 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Касбучулар Къакъашурада

Автор: Шихав Къайирбеков

Адамланы арасында йимик, гьайванларда, малларда да гьар тюрлю яман аврувлар ёлугъа. «Сибирская язва» – шолай яман аврувланы бири. Гьали-гьалилерде къакъамахили Магьаммат Мусаев деген адамны «ЛПХ-да» сакъланагъан уллу мююзлю гьайванындан «Сибирская язва» аврув чыгъып, районда къувун тюшдю. Аврувну алдын алмакъ учун алгъасавлукъда районну ёлбашчыларыны, районну ветеринар къуллугъуну къуллукъчуларыны янындан аврувну алдын алывда алгъасавлу кюйде чаралар гёрюлдю. Аврувну яйылывуну алдын алмакъ муратда ДР-ни башчысыны къарары булан октябр айны 20-сындан тутуп, Къакъашура бойда карантин билдирилген эди.

Ноябр айны 13-нде районну ветеринар къуллугъуну ёлбашчысы Исмайыл Гьажиев ва районну ветеринар эпизоотика къуллугъуну бёлюгюню ёлбашчысы Абдулла Мурзаев ёлдашлар ишчи сапар булан «Къакъашура юрт Совет» муниципал къурулувда болгъанлар. Районну ветеринар къуллугъуну къуллукъчулары юртну башчысы булан къакъамахили М.Мусаевни хас абзарында сакъланагъан уллу мююзлю гьайванда табылгъан «Сибирская язва» аврувну ва шогъар байлавлу билдирилген карантинни айланасында сёз юрютген.

«Къакъашура юрт Совет» муниципал къурулувуну башчысы У.А.Билаловну кабинетинде Къакъамахи юртдагъы ватандашны гьайванында «Сибирская язва» аврувну вирусун токъташдырмакъ учун этилген ишлени, гёрюлген чараланы гьакъындагъы масъала арагъа салынып ойлашылгъан. Гьакъыкъатда, районну ветеринар къуллугъуну касбучулары Къакъашура юртну башчысы булан бу йылны ноябр айыны 11-нде карантинни тайдырма ярай деген пикирге гелгенлер.

Районну ёлбашчысыны ва районну ветеринар къуллугъуну къуллукъчуларыны янындан алгъасавлукъда ва дестине гёрюлген чараланы натижасында «Сибирская язва» аврувну очагъыны алдын алма бажарылгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5